డివైడర్​ను ఢీ కొట్టిన టిప్పర్​... తప్పిన ప్రమాదం

టిప్పర్​ అదుపు తప్పి డివైడర్​ను ఢీ కొట్టింది. ఈ ఘటన కూకట్​పల్లి-హైటెక్​సిటీ మార్గంలో చోటుచేసుకుంది. ప్రమాదం రాత్రి సమయం వల్ల ఎలాంటి నష్టం జరగలేదు. అనుమతులకు విరుద్ధంగా నడుస్తున్న టిప్పర్​లపై చర్యలు తీసుకోవాలని స్థానికులు కోరుతున్నారు.

హైదరాబాద్​ కూకట్​పల్లి-హైటెక్​ సిటీ మార్గంలో ఓ టిప్పర్​ బీభత్సం సృష్టించింది. జేఎన్టీయూ నుంచి హైటెక్​ సిటీ వైపు వెళ్తుండగా... ​అదుపు తప్పి మలేసియా టౌన్​షిప్​కు ఎదురుగా ఉన్న డివైడర్​ను ఢీ కొట్టింది. 10 మీటర్ల మేర డివైడర్​ ధ్వంసం అయ్యింది. రాత్రి సమయం కావటం వల్ల ఎలాంటి నష్టం జరగలేదు. నిత్యం వాహనాలతో రద్దీగా‌ ఉండే ఈ మార్గంలో అనుమతులకు విరుద్దంగా నడుస్తున్న టిప్పర్​లపై చర్యలు తీసుకోవాలని స్థానికులు కోరుతున్నారు. పలుమార్లు అధికారులకు ఫిర్యాదు చేసినా... స్పందన కరువైందని వాపోయారు.

ఇదీ చూడండి: టీ-కాంగ్రెస్‌లో అంతర్గత కుమ్ములాటలు!