ధరణి (Dharani) పోర్టల్ ద్వారా వచ్చిన భూసమస్యల విజ్ఞప్తులు, సమస్యల పరిష్కారం కోసం స్పెషల్ డ్రైవ్ చేపట్టాలని అన్ని జిల్లాల కలెక్టర్లను ప్రభుత్వ ప్రధాన కార్యదర్శి సోమేశ్ కుమార్ ఆదేశించారు. రైతుబంధు సాయాన్ని ఈ నెల రోజుల 15వ తేదీ నుంచి రైతుల ఖాతాల్లో జమ చేయాలని ప్రభుత్వం ఇప్పటికే నిర్ణయించింది. పార్ట్ బీ నుంచి పార్ట్ ఏలో చేరిన భూములకు రైతుబంధు సాయం అందించేందుకు కటాఫ్ తేదీని పదిగా నిర్ణయించారు.
దీంతో పెండింగ్లో ఉన్న తమ సమస్యలను పరిష్కరించాలని పలువురు కోరుతున్నారు. ఈ నేపథ్యంలో వాటి పరిష్కారం కోసం ఐదు రోజుల పాటు స్పెషల్ డ్రైవ్ చేపట్టాలని కలెక్టర్లను సీఎస్ సోమేశ్ కుమార్ ఆదేశించారు. రోజుకు 20శాతం చొప్పున ఐదు రోజుల పాటు అన్ని పెండింగ్ కేసులను పరిష్కరించాలని స్పష్టం చేశారు.
ఇదీ చదవండి : మంత్రి కేటీఆర్ ట్విటర్కు భూసమస్యల వినతులు
