సౌర విద్యుత్ వినియోగంపై పునరుత్పాదక ఇంధన అభివృద్ది సంస్థ దృష్టి సారించింది. గృహ వినియోగదారులకు సోలార్ విద్యుత్పై అవగాహన కల్పిస్తోంది. ప్రోత్సాహకాలను ప్రకటిస్తూ.. వారిని ప్రోత్సహిస్తోంది. ఇంటి పైకప్పుపై సౌర విద్యుత్ వినియోగించే గృహ వినియోగదారులకు 3 కిలోవాట్ల వరకు 40 శాతం సబ్సిడీ అందజేస్తోంది. 3 నుంచి 10 కిలోవాట్ల వరకు వినియోగించే వారికి ఇంధన అభివృద్ధి సంస్థ అధికారులు 20 శాతం సబ్సిడీ అందజేస్తున్నారు. గేటెడ్ కమ్యూనిటీలో లిఫ్ట్లు, వీధి దీపాలు, మంచినీటి వినియోగం కోసం 20 శాతం సబ్సిడీ ఇస్తున్నారు.
గృహ వినియోగదారులు, గేటెడ్ కమ్యూనిటీలో సౌర విద్యుత్ను వినియోగించుకున్న తర్వాత ఇంకా మిగులు విద్యుత్ ఉంటే.. దాన్ని తిరిగి విద్యుత్ శాఖ వారికి అమ్ముకోవచ్చు. ఇందుకోసం నెట్ మీటరింగ్ అందుబాటులోకి తీసుకొచ్చారు. యూనిట్కు రూ.4.18 పైసలు విద్యుత్ శాఖ చెల్లించే విధంగా అంగీకారం కూడా కుదుర్చుకున్నట్లు రెడ్కో వివరించింది. బహిరంగ మార్కెట్లో సోలార్ ప్యానెళ్లు తక్కువ ధరకే దొరుకుతుండటం వల్ల పరిశ్రమలకు రాయితీ ఇవ్వడం లేదని రెడ్కో వర్గాలు వెల్లడించాయి. పరిశ్రమలకు ఒక మెగావాట్ వరకు సోలార్ పవర్ విద్యుత్ను వినియోగించుకునే వెసులుబాటు కల్పించినట్లు తెలిపారు.
ప్రభుత్వ సంస్థల్లో సౌర విద్యుత్ను ఎక్కువగా వినియోగిస్తున్నారని రెడ్కో వెల్లడించింది.
| సంస్థలు | సౌర విద్యుత్ వినియోగం |
| టీఎస్.ఆర్టీసీ బస్ డిపో | 4,200కిలోవాట్స్ |
| నేషనల్ ఇన్సిట్యూట్ ఆఫ్ టూరిజం అండ్ హాస్పిటాలిటీ | 250 కిలోవాట్స్ |
| నల్సార్ లా యూనివర్సిటీ | 200 కిలోవాట్స్ |
| ఎం.సీఆర్-హెచ్.ఆర్.డీ | 850 కిలోవాట్స్ |
| డాక్టర్.బీ.ఆర్ అంబేడ్కర్ ఓపెన్ యూనివర్సిటీ | 300 కిలోవాట్స్ |
| టీఎస్ పోలీస్ అకాడమీ | 320 కిలోవాట్స్ |
| ఎన్విరాన్మెంట్ ప్రొటెక్షన్ ట్రైనింగ్ అండ్ రీసెర్జ్ ఇన్స్స్టిట్యూషన్ | 200 కిలోవాట్స్ |
| మెట్రో పాలిటన్ సెషన్స్ జడ్జ్ కోర్ట్ కాంప్లెక్స్ | 200 కిలోవాట్స్ |
| జీహెచ్.ఎంసీ | 941 కిలోవాట్స్ |
| వెల్పేర్ అసోసియేషన్ ఆఫ్ రెయిన్ పార్క్ | 400 కిలోవాట్స్ |
| రాజ్ భవన్ ఏ టైప్ క్వార్టర్స్ | 243 కిలోవాట్స్ |
| సంవత్సరం | సౌర విద్యుత్ ఉత్పత్తి |
| 2014-15లో | 4.1435 మెగావాట్లు |
| 2015-16లో | 5.7749మెగావాట్లు |
| 2016-17లో | 7.901 మెగావాట్లు |
| 2017-18లో | 13.1145 మెగావాట్లు |
| 2018-19లో | 41.8861మెగావాట్లు |
| 2019-20లో | 45.4004మెగావాట్లు |
| 2020-21లో | 30.4096మెగావాట్లు |
| మొత్తం | 148.63 మెగావాట్లు |
రాష్ట్ర ఆవిర్భానికి ముందు ఇంటి పైకప్పు లో సోలార్ విద్యుత్ వినియోగంపై దృష్టిసారించలేదు. రాష్ట్ర ఆవిర్బావం తర్వాత పునరుత్పాదక ఇంధన అభివృద్ది సంస్థ దీనిపై ప్రత్యేక దృష్టిసారించింది.
- ఇదీ చూడండి : నిధుల వేటలో రేటింగ్‌ బాట
