విశ్వవిఖ్యాత నట సార్వభౌముడు, తెలుగు వారి ఆత్మగౌరవాన్ని నలుదిశలా చాటిన మహనీయుడు ఎన్టీఆర్. ఆయన స్మృతిలో ఏర్పాటు చేసిన ఎన్టీఆర్ ఘాట్ని అధికారులు పట్టించుకోవడం లేదు. వర్ధంతికి ఆ ప్రాంతాన్ని శుభ్రం చేసి అలంకరించటాన్ని హెచ్ఎండీఏ అధికారులు విస్మరించారు. సుదీర్ఘ కాలంలో ఉమ్మడి ఆంధ్రప్రదేశ్‌కు ముఖ్యమంత్రిగా పనిచేయడమే కాకుండా... ప్రాంతాలకు అతీతంగా ప్రజాభిమానం చూరగొన్న నేత ఘాట్‌ను పట్టించుకోకపోవటం ఎన్టీఆర్ అభిమానులను ఆవేదనకు గురి చేస్తోంది.
గతేడాది జయంతి రోజున అధికారుల అలసత్వంపై ఎన్టీఆర్ అభిమానులు తీవ్ర స్థాయిలో ధ్వజమెత్తినా పరిస్థితిలో మాత్రం మార్పు రాలేదు. ఇప్పటికే ఎన్టీఆర్ ఘాట్ పెచ్చులూడిపోయి కళావిహీనంగా మారింది.
చివరకు ఎన్టీఆర్ ట్రస్ట్ ఎండీ ఎన్టీఆర్ కుమార్తె నారా భువనేశ్వరి... ఘాట్ని అలంకరించాలని శుక్రవారం అభిమానులకు సూచించారు. సొంత ఖర్చులతో ఎన్టీఆర్ ఘాట్ ని సర్వాంగసుందరంగా తీర్చిదిద్దారు.
ఇదీ చూడండి : 'తెలుగు జాతి ఉన్నంత వరకు ఎన్టీఆర్ ఉంటారు'
