ప్రజాసేవ చేసే సంస్థలను గౌరవించాలి: ముఠా గోపాల్

ముషీరాబాద్​ నియోజకవర్గంలోని వివిధ ఆలయాల అర్చకులకు... ఎమ్మెల్యే ముఠా గోపాల్​ బియ్యం, వంటనూనె, నిత్యవసర సరకులు పంపిణీ చేశారు. జవహర్​నగర్​ లలితా పరమేశ్వరి దేవాలయం సేవా భారత్​ డైరెక్టర్​ బొల్లం ప్రసన్న కుమార్​ ఆధ్వర్యంలో కార్యక్రమం నిర్వహించారు.

కుల, మతాలకతీతంగా ప్రజాసేవ చేసే సంస్థలను అందరూ గౌరవించాలని ఎమ్మెల్యే ముఠా గోపాల్ అన్నారు. ముషీరాబాద్ నియోజకవర్గంలోని వివిధ ఆలయాల అర్చకులకు జవహర్​నగర్​లోని లలితా పరమేశ్వరి దేవాలయం సేవా భారత్ డైరెక్టర్ బొల్లం ప్రసన్నకుమార్ ఆధ్వర్యంలో 25 కేజీల బియ్యం, రెండు కేజీల వంట నూనె, ఇతర నిత్యవసర సరుకులు పంపిణీ చేశారు.

లాక్​డౌన్​ సమయంలో అన్ని వర్గాల ప్రజలకు కొన్ని స్వచ్ఛంద సంస్థలు అందించిన సహాయ సహకారాలు ప్రశంసనీయమని ముఠా గోపాల్​ అన్నారు. వ్యవస్థలోని అభాగ్యులను ఆదుకోవడానికి దాతలు ముందుకు రావాలని కోరారు. ఈ కార్యక్రమంలో గాంధీనగర్ కార్పొరేటర్ ముఠా పద్మా, ముఠా నరేష్, జైసింహ, సిందిరి శ్రీనివాస్, నాయకులు, కార్యకర్తలు పాల్గొన్నారు.

ఇదీ చూడండి: జీహెచ్ఎంసీ పరిధిలో పదో తరగతి పరీక్షలు వాయిదా