వాణిజ్య పన్నులశాఖ ఉద్యోగులకు సెలవుల రద్దు!

వ్యాపార వర్గాల నుంచి పన్ను వసూళ్లు పెంచేందుకు వాణిజ్య పన్నులశాఖ చర్యలు చేపడుతోంది. ఆశించిన స్థాయిలో వసూళ్లు రానందున ఎగవేతదారుల నుంచి పన్నులు రాబట్టేందుకు ఉద్యోగులకు సెలవులు కూడా రద్దు చేశారు.

వాణిజ్య పన్నులశాఖలో ఆశించినంతగా వసూళ్లు లేని కారణంగా ఉద్యోగులకు సెలవులు రద్దు చేశారు. గత ఏడాదితో పోలిస్తే 15 నుంచి 20శాతం అధికంగా వసూళ్లు అవుతాయని వేసిన అంచనా తలకిందులైంది. 2018-19 ఆర్థిక సంవత్సరం మొదటి నాలుగు నెలల్లో 13వేల 700 కోట్లు రాగా... 2019-20 జులై వరకు 14వేల 595కోట్లు వసూలయ్యాయి. దీనికి తోడు జాతీయ వృద్ధిరేటు 9శాతం, తెలంగాణ వృద్ధిరేటు 8.7శాతం మాత్రమే నమోదైంది. దీన్ని దృష్టిలో ఉంచుకొని, పన్ను ఎగవేతదారుల నుంచి వసూళ్లు పెంచేందుకు ఉద్యోగులకు సెలవులు రద్దు చేయాలని ఉన్నతాధికారులు ఆదేశించారు. అనారోగ్య కారణాలుంటే తప్ప సెలవులు ఎవరికీ ఇవ్వొద్దని స్పష్టం చేశారు.

ఇదీ చూడండి: సికింద్రాబాద్ కంటోన్మెంటు​పై కేటీఆర్ నజర్