హైదరాబాద్లో రూ.67 కోట్లు ఖర్చు చేశామంటున్న మంత్రి కేటీఆర్.. ఉప్పల్ డివిజన్లో ఎంత ఖర్చు చేశారో చెప్పాలని మల్కాజిగిరి ఎంపీ రేవంత్ రెడ్డి డిమాండ్ చేశారు. తనకు తోడుగా ముప్పై మంది కార్పొరేటర్లు ఉంటే.. కేసీఆర్, మోదీలతోనే కాదు..ఎవ్వరితోనైనా కొట్లాడతానని స్పష్టం చేశారు.
హైదరాబాద్ ఉప్పల్ డివిజన్లో తెరాస నాయకులు బాగా పనిచేస్తే.. పాత కార్పొరేటర్ను మార్చి కొత్త అభ్యర్థికి టికెట్ ఎందుకిచ్చారని రేవంత్ రెడ్డి ప్రశ్నించారు. భాజపా, తెరాసలు పాము-ముంగీస ఆటలాడుతూ ప్రజలను మాయల్లో ముంచుతున్నారని ఆరోపించారు. ఉప్పల్ డివిజన్లో పలువురు తెరాస కార్యకర్తలు.. కాంగ్రెస్ అభ్యర్థి రజితా పరమేశ్వర్ రెడ్డిల ఆధ్వర్యంలో కాంగ్రెస్లో చేరారు. వారికి కండువా కప్పి ఎంపీ రేవంత్ రెడ్డి సాదరంగా ఆహ్వానించారు.
- ఇదీ చూడండి 'భాజపాను గెలిపిస్తే అభివృద్ధి పథం'
