కమీషన్ల కోసమే కేసీఆర్ వ్యవసాయ, విద్యుత్‌ చట్టాలను వ్యతిరేకిస్తున్నారని ఓబీసీ మోర్చా జాతీయ అధ్యక్షుడు లక్ష్మణ్ విమర్శించారు. దేశవ్యాప్తంగా బీసీల మద్దతును కూడగట్టి భాజపా అధికారంలో లేని రాష్ట్రాల్లో... అధికారంలోకి తీసుకొస్తామని లక్ష్మణ్ పేర్కొన్నారు. కేంద్ర ప్రభుత్వం రోస్టర్ విధానంలో మార్పులు తీసుకొచ్చి... బలహీనవర్గాలకు రుణాలు ఇచ్చి తోడ్పాటును అందించిందన్నారు. బిహార్, బంగాల్ ఎన్నికలపై ప్రత్యేక దృష్టి సారించామని తెలిపారు.
రానున్న ఎన్నికల్లో అధిక సంఖ్యలో మెజార్టీ సాధిస్తాం: లక్ష్మణ్
ప్రభుత్వ ఖజానాకు డబ్బులు రావనే... కేసీఆర్ వ్యవసాయ చట్టాన్ని వ్యతిరేకిస్తున్నారని లక్ష్మణ్ ఆరోపించారు. దుబ్బాక, జీహెచ్ఎంసీ, పట్టభద్రుల ఎన్నికల్లో భాజపా అధిక సంఖ్యలో మెజార్టీని సాధిస్తుందని లక్ష్మణ్ ధీమా వ్యక్తం చేశారు.
ఇదీ చూడండి: 'ఇది ఓ ప్రజా ఉద్యమం- అంతిమ విజయం మనదే'
