'తిరుపతి లోక్‌సభ ఉపఎన్నిక బరిలో భాజపా అభ్యర్థి'

తిరుపతి పార్లమెంట్ ఉపఎన్నిక అభ్యర్థిత్వంపై భాజపా ఆంధ్రప్రదేశ్​ వ్యవహారాల ఇంఛార్జ్ మురళీధరన్ కీలక ప్రకటన చేశారు. ఉపఎన్నికలో భాజపా అభ్యర్థి పోటీ చేస్తారని ట్వీట్టర్ వేదికగా స్పష్టం చేశారు. జనసేన అధినేత పవన్, భాజపా రాష్ట్ర అధ్యక్షుడు సోము వీర్రాజు తీసుకున్న నిర్ణయమన్నారు.

తిరుపతి పార్లమెంటు బరిలో భాజపా అభ్యర్థి పోటీచేస్తారని... ఆ పార్టీ ఏపీ వ్యవహారాల ఇంఛార్జ్ మురళీధరన్‌ తెలిపారు. జనసేన మద్దతుతో బరిలో నిలవనున్నారని.. ఈ మేరకు ట్వీట్‌ చేశారు. పవన్‌ కల్యాణ్‌, సోము వీర్రాజు కలిసి తీసుకున్న ఏకగ్రీవ నిర్ణయమని ట్విట్టర్‌లో వెల్లడించారు. తిరుపతి నుంచి భాజపా విజయయాత్ర మొదలవుతుందని.. మురళీధరన్‌ చెప్పారు.

ఇదీచదవండి: కేటీఆర్‌ను కలిసిన విశాఖ ఉక్కు పరిరక్షణ పోరాట కమిటీ