వరుస లాభాలతో స్టాక్ మార్కెట్లు మరోసారి రికార్డులు సృష్టించాయి. గురువారం సెషన్లో బీఎస్ఈ సూచీ-సెన్సెక్స్ 358 పాయింట్లు బలపడి జీవనకాల గరిష్ఠమైన 50,614 వద్ద స్థిరపడింది. ఎన్ఎస్ఈ-నిఫ్టీ 105 పాయింట్లు పెరిగి 14,895 వద్దకు చేరింది.
బడ్జెట్ ఇచ్చిన జోష్ లాభాలకు ప్రధాన కారణంగా తెలుస్తోంది. బ్యాంకింగ్ షేర్లు ప్రధానంగా లాభాల్లో ఉన్నాయి.
ఇంట్రాడే సాగిందిలా..
సెన్సెక్స్ 50,687 పాయింట్ల అత్యధిక స్థాయి (జీవనకాల గరిష్ఠం), 49,926 పాయింట్ల అత్యల్ప స్థాయిలను నమోదు చేసింది.
నిఫ్టీ 14,913 పాయింట్ల గరిష్ఠ స్థాయి(సరికొత్త రికార్డు స్థాయి), 14,714 పాయింట్ల కనిష్ఠ స్థాయిల మధ్య కదలాడింది.
లాభనష్టాల్లోనివి ఇవే..
ఎమ్అండ్ఎమ్, బజాజ్ఫినాస్స్, కోటక్ బ్యాంక్, ఐసీఐసీఐ, యాక్సిస్, ఎన్టీపీసీ, డా.రెడ్డీస్, ఓఎన్జీసీ, కోల్ఇండియా షేర్లు ఎక్కువగా లాభాలను గడించాయి.
ఏషియన్ పెయింట్స్, ఇండస్ఇండ్, సిప్లా, యూపీఎల్, టాటామోటర్స్, రిలయన్స్, బజాజ్ఆటో షేర్లు నష్టపోయాయి.
ఇతర మార్కెట్లు
ఆసియాలో ఇతర ప్రధాన మార్కెట్లు షాంఘై, టోక్యో, కోస్పీ, హాంకాంగ్ సూచీలు నష్టాల్లో ఉన్నాయి.
