మహిళలు పాశ్చాత్య ఉత్పత్తులకు అలవాటుపడి ప్రతినెల రుతుస్రావ సమయంలో తెలియకుండానే కాలుష్య కారకాలను పర్యావరణంలో కలుపుతున్నారు. తమ ఆరోగ్యాలనూ చేతులారా పాడు చేసుకుంటున్నారు.
దిల్లీ ఐఐటీ విద్యార్థులు ఏర్పాటు చేసిన ఓ అంకుర సంస్థ... ఈ సమస్య పరిష్కారానికి ప్రయత్నించింది. మహిళల ఆరోగ్యం, పర్యావరణ పరిరక్షణను దృష్టిలో పెట్టుకుని వినూత్న ప్రయోగం చేసి విజయవంతమైంది. రెండు సంవత్సరాలల్లో 120 సార్లు ఉపయోగించుకునే వీలున్న సానిటరీ ప్యాడ్ను ఉత్పత్తి చేసింది.
దిల్లీ ఐఐటీ ప్రొఫెసర్ల సహకారంతో సాంఫే సంస్థ అమ్మాయిలకోసం ఈ ఉత్పత్తిని మార్కెట్లోకి తీసుకొచ్చింది. సహజసిద్ధమైన అరటి పీచుతో తయారుచేసిన ఈ ప్యాడ్లు రెండింటికి 199/- రూపాయలుగా ధర ఖరారు చేసింది .
"చాలా రకాల సానిటరీ ప్యాడ్లు సింథటిక్, ప్లాస్టిక్ వంటి ముడి పదార్థాలతో తయారు చేస్తారు. అవి భూమిలో కలవడానికి 50 నుంచి 60 సంవత్సరాల సమయం పడుతుంది. అమ్మాయిలు ఇంట్లో చెత్తబుట్టలో పడేసిన వ్యర్థాలు చివరుకు బహిరంగ ప్రదేశాలకే చేరుతాయి. అనేక రకాల వ్యర్థాలను కలిపి డీకంపోజ్ చేసే క్రమంలో ఈ సానిటరీ ప్యాడ్స్ నీటిని, భూమిని, గాలిని తీవ్రంగా కలుషితపరుస్తాయి. వాటిని కాల్చడం ద్వారా కార్కినోజెనిక్ అనే హానికరమైన పొగ విడుదలవుతుంది. అందుకే ఈ ఉత్పత్తిని రూపొందించాం. పేటెంట్ కోసం దరఖాస్తు చేశాం."
-అర్చిత్ అగర్వాల్, సాంఫే సంస్థ సహ వ్యవస్థాపకుడు
ఇదీ చూడండి:అమ్మతనం ముందు శత్రువేంటి: పిల్లికి పాలిచ్చిన శునకం
