అమెరికా-చైనా వాణిజ్య యుద్ధానికి తెరపడుతుందన్న ఆశలతో స్టాక్ మార్కెట్లు లాభాల్లో ట్రేడవుతున్నాయి. చైనా ఉప ప్రధాని లియూతో భేటీపై అమెరికా అధ్యక్షుడు డొనాల్డ్ ట్రంప్ట్వీట్ చేసిన నేపథ్యంలో... మదుపర్లు ఉత్సాహంగా కొనుగోళ్లు జరుపుతున్నారు.
బొంబాయి స్టాక్ ఎక్స్చేంజి సూచీ-సెన్సెక్స్ 426 పాయింట్ల లాభంతో 38,306 వద్ద ట్రేడవుతోంది.
జాతీయ స్టాక్ ఎక్స్చేంజి సూచీ-నిఫ్టీ 110 పాయింట్ల వృద్ధితో 11,347 పాయింట్ల వద్ద కొనసాగుతోంది.
లాభనష్టాల్లోనివి..
వేదాంత, టాటా స్టీల్, హిండాల్కో, జేఎస్డబ్ల్యూ స్టీల్, కోల్ ఇండియా లాభాల్లో కొనసాగుతున్నాయి.
టీసీఎస్, సిప్లా, భారతీ ఇన్ఫ్రాటెల్, టెక్ మహీంద్ర, ఐఓసీ నష్టాలను మూటగట్టుకున్నాయి.
రూపాయి...
రూపాయి మారకపు విలువ డాలరుతో పోలిస్తే 24 పైసలు బలపడి రూ.70.83 వద్ద అమ్ముడవుతోంది.
