దేశంలో సేవా రంగ కార్యకలాపాలు జులైలోనూ ఒడుదొడుకుల్లోనే ఉన్నాయి. కరోనా వల్ల డిమాండ్ తగ్గిపోవడం, సంక్షోభంలో చిక్కుకున్న కంపెనీలు ఉద్యోగుల సంఖ్యను తగ్గించుకోవడం వంటివి ఇందుకు కారణమయ్యాయి.
ఐహెచ్ఎస్ మార్కిట్ విడుదల చేసిన నెలవారీ పర్చేజింగ్ మేనేజర్స్ ఇండెక్స్ (పీఎంఐ) నివేదిక ద్వారా ఈ విషయం వెల్లడైంది.
ఐహెచ్ఎస్ మార్కిట్ ప్రకారం.. జులైలో సేవా రంగ వ్యాపార కార్యకలాపాల పీఎంఐ 34.2 వద్ద ఉంది. జూన్లో నమోదైన 33.7 తో పోలిస్తే.. ఇది కాస్త ఎక్కువే. అయితే సేవా రంగ పీఎంఐ తక్కువగా నమోదు కావడం వరుసగా ఇది ఐదో నెల.
