'పెట్రోల్​, డీజిల్​పై కేంద్రం పన్నులు తగ్గిస్తుందా?'

పెట్రోల్​, డీజిల్​పై పన్నులు తగ్గించే ప్రతిపాదనలు ప్రస్తుతం ఏం లేవని కేంద్ర ప్రభుత్వం స్పష్టం చేసింది. పెట్రో​ ధరల నియంత్రణ సహా పన్ను రాయితీ వంటి విషయాలపై లోక్​సభ సభ్యులు అడిగిన పలు ప్రశ్నలకు కేంద్ర ఆర్థిక మంత్రి నిర్మలా సీతారామన్​ బదులిచ్చారు.

పెట్రోల్​, డీజిల్​.. జీఎస్టీ (వస్తు,సేవల పన్ను) కిందకు వస్తాయా అనే సందేహానికి కేంద్ర ఆర్థిక మంత్రి నిర్మలా సీతారామన్​ లోక్​సభలో బదులిచ్చారు. పెట్రోల్​, డీజిల్​ ఇప్పటికే జీఎస్టీ పరిధిలో జీరో రేట్​ కేటగిరీలో ఉన్నాయని నిర్మలా స్పష్టం చేశారు. రాష్ట్ర ఆర్థిక మంత్రులు సభ్యులుగా... కేంద్ర విత్త మంత్రి అధ్యక్షతన ఏర్పాటైన జీఎస్టీ మండలి వాటి ధరలను నిర్ణయిస్తుందన్నారు.

పెట్రోల్​, డీజిల్​పై పన్నులు తగ్గించడం ద్వారా ధరలను నియంత్రిస్తారా అన్న ప్రశ్నకు ఆర్థిక మంత్రి బదులిస్తూ.. అలాంటి ప్రతిపాదనలు ప్రస్తుతం ఏం లేవన్నారు. పెట్రోల్​, డీజిల్​పై కొత్తగా ఏ విధమైనా పన్నులు విధించే యోచన లేదని స్పష్టం చేశారు.

ప్రపంచంలో ఎక్కడా నిర్దిష్ట కాలంలో పెట్రోల్​, డీజిల్ ధరలు స్థిరంగా ఉండవని నిర్మలా వెల్లడించారు.

• ఇదీ చూడండి: నేటి అర్ధరాత్రి నుంచే 'మొబైల్​ ఛార్జీ'ల మోత