'ప్రభుత్వ రంగ బ్యాంకుల్లో ఆ ఛార్జీల పెంపు లేదు'

బ్యాంకుల సర్వీస్ ఛార్జీలపై కేంద్రం కీలక ప్రకటన చేసింది. ఏ ప్రభుత్వ రంగ బ్యాంకుల్లో కూడా సర్వీస్ ఛార్జీల పెంపు లేదని స్పష్టం చేసింది.

ప్రభుత్వ రంగ బ్యాంకుల్లో ఎలాంటి సర్వీస్ ఛార్జీల పెంపు లేదని కేంద్ర ఆర్థిక శాఖ మంగళవారం స్పష్టం చేసింది. బ్యాంక్ ఖాతాలో నెలవారీ నగదు డిపాజిట్​ లావాదేవీల్లో చేసిన మార్పులను ఉపసంహరించుకోవాలని బ్యాంక్ ఆఫ్ బరోడా నిర్ణయించినా.. కేంద్ర ఆర్థిక శాఖ ఈ ప్రకటన చేసింది.

నెలవారీ ఉచిత క్యాష్ డిపాజిట్​, విత్​డ్రాలకు సంబంధించి బ్యాంక్ ఆఫ్ బరోడా నవంబర్ 1 నుంచి పలు మార్పులు చేసినట్లు ఆర్థిక మంత్రిత్వ శాఖ పేర్కొంది.

ఈ మార్పుల ప్రకారం ఇంతకుముందు ఉచిత నగదు డిపాజిట్, విత్​డ్రాల పరిమితి ఐదు లావాదేవీల వరకు ఉండగా.. ఇప్పుడు ఆ పరిమితిని మూడుకు తగ్గించింది. అయితే పరిమితికి మించి చేసిన లావాదేవీలకు వర్తించే ఛార్జీల్లో మాత్రం ఎలాంటి మార్పులు చేయలేదు అని స్పష్టం చేసింది.

ఆర్​బీఐ మార్గదర్శకాల ప్రకారం ప్రభుత్వ రంగ బ్యాంకులతో సహా అన్ని బ్యాంకులు పారదర్శకంగా సర్వీస్ ఛార్జీలు వసూలు చేసేందుకు అనుమతి ఉందని ఆర్థిక శాఖ తెలిపింది. అయినప్పటికీ కొవిడ్-19 పరిస్థితులను దృష్టిలో ఉంచుకుని.. ఇతర ప్రభుత్వం రంగ బ్యాంకులన్ని సమీప భవిష్యత్​లో ఛార్జీలు పెంపును ప్రతిపాదించొద్దని సమాచారం ఇచ్చినట్లు తెలిపింది ఆర్థిక శాఖ.

ఇదీ చూడండి:అక్టోబర్​లో 5.4 శాతం క్షీణించిన భారత ఎగుతులు