వచ్చే ఆర్థిక సంవత్సర(2021-22) బడ్జెట్లో కొవిడ్-19 వ్యాక్సిన్ పరిశోధనలు, అభివృద్ధి వ్యయాలకు.. పన్ను గణనలో 200 శాతం డిడక్షన్ ఇవ్వాలని పరిశ్రమల విభాగం అసోచామ్ ఆర్థిక శాఖను కోరింది.
ఆదాయపు పన్ను చట్టంలోని సెక్షన్ 35 ద్వారా పొందే ప్రయోజనాలకోసం 'శాస్త్రీయ పరిశోధన'ల్లో కొవిడ్-19కి చెందిన అన్ని రకాల రీసెర్చ్లను చేర్చాలని సూచించింది అసోచామ్. ప్రస్తుతం సెక్షన్ 35 ద్వారా శాస్త్రీయ పరిశోధనల వ్యయాలకు 100 శాతం డిడక్షన్ ఇస్తున్న విషయాన్ని గుర్తు చేసింది. ఆర్థిక శాఖకు పంపిన ప్రీ బడ్జెట్ మెమొరాండమ్లో ఈ ఆంశాలను పేర్కొంది.
'2021-22 బడ్జెట్లో నిర్మలా సీతారామన్ హెల్త్కేర్ రంగానికి ఊతమందించే భారీ ప్రకటనలు చేస్తారని భావిస్తున్నాం. ఇప్పటికే మేము పంపిన మెమొరాండంలో వ్యాక్సిన్ తయారీ, పంపిణీ, వైద్య రంగానికి ఇవ్వాల్సిన పన్ను ప్రోత్సాహకాలపై సూచనలు చేశాం.' అని అసోచామ్ సెక్రెటరీ జనరల్ దీపక్ సూద్ అన్నారు.
ఇదీ చూడండి:'ఈనెల 12న చిన్న వ్యాపారుల దినోత్సవం'
