వాట్సాప్ యూజర్లు ఎప్పటి నుంచో ఎదురు చూస్తున్న డార్క్ మోడ్ ఫీచర్ ఎట్టకేలకు అందుబాటులోకి వచ్చింది. అయితే ప్రస్తుతానికి ఆండ్రాయిడ్ బీటా యూజర్లు మాత్రమే ఈ సదుపాయాన్ని వినియోగించుకునే వీలుంది.
ఆండ్రాయిడ్ ఫోన్లలో వాట్సాప్ వినియోగిస్తున్న బీటా యూజర్లు యాప్ను 2.20.13 వెర్షన్కు అప్డేట్ చేసుకోవడం ద్వారా డార్క్మోడ్ ఫీచర్ను వినియోగించుకోవచ్చు.
ఆండ్రాయిడ్లో సాధారణ యూజర్లకు త్వరలోనే ఈ ఫీచర్ అందుబాటులోకి వచ్చే అవకాశముంది.
డార్క్మోడ్ సెట్టింగ్స్..
వాట్సాప్లో త్రీ డాట్ మెనూను ఎంపిక చేసుకుని చాట్స్లోకి వెళ్లాలి. అందులో థీమ్పై క్లిక్ చేసి 'డార్క్' ఆప్షన్ను ఎంపిక చేసుకుంటే వాట్సాప్ బ్యాగ్రౌండ్ మొత్తం నలుపు రంగులోకి మారిపోతుంది.
ఈ ఫీచర్ను ఎనేబుల్ చేయడం ద్వారా కంటిపై లైటింగ్ వల్ల కలిగే ఒత్తిడి తగ్గుతుంది. బ్యాటరీ సామర్థ్యం పెరగటం వంటి ప్రయోజనాలూ ఉన్నాయి.
ఇదీ చూడండి:మార్చిలో యాపిల్ నుంచి బడ్జెట్ ఐఫోన్!
