ఐటీ దిగ్గజం టాటా కన్సల్టెన్సీ సర్వీసెస్ (టీసీఎస్) ప్రస్తుత ఆర్థిక సంవత్సరం మూడో త్రైమాసిక లాభాల్లో 0.2 శాతం వృద్ధిని కనబర్చింది. డిసెంబర్తో ముగిసిన త్రైమాసికానికి రూ.8,118 కోట్ల ఏకీకృత నికర లాభాన్ని గడించినట్లు సంస్థ ప్రకటించింది.
2018 డిసెంబర్తో ముగిసిన త్రైమాసికంలో టీసీఎస్ రూ.8,105 కోట్ల ఏకీకృత నికర లాభాన్ని ఆర్జించింది.
ప్రస్తుత ఆర్థిక సంవత్సరం మూడో త్రైమాసికంలో సంస్థ రూ.39,854 కోట్ల ఆదాయాన్ని గడించింది. గత ఆర్థిక సంవత్సరం (2018-19) ఇదే సమయంలో సంస్థ ఆదాయం రూ.37,338 కోట్లుగా ఉంది.
స్వల్ప లాభాలు గడించినా.. రూ.1 విలువైన సంస్థ షేరుపై రూ.5 మధ్యంతర డివిడెండ్ను ప్రకటించింది టీసీఎస్.
ఇదీ చూడండి:అమెజాన్ ఆఫర్: ఐదేళ్లలో 10 లక్షల ఉద్యోగాలు
