కిశోర్ బియానీకి చెందిన ఫ్యూచర్ రిటైల్ కొనుగోలు ఒప్పందం పూర్తి చేసేందుకు ఆరు నెలలు గడువు పొడిగించింది రిలయన్స్ రిటైల్ వెంచర్స్ లిమిటెడ్(ఆర్ఆర్వీఎల్). ఈ ఏడాది మార్చి 31తో పూర్తవ్వాల్సిన రూ.24,713 కోట్ల ఒప్పందం గడువును సెప్టెంబర్ 30 వరకు పొడిగించినట్లు రెగ్యులేటరీకి నివేదించింది.
అమెజాన్, ఫ్యూచర్ రిటైల్ మధ్య వివాదం కొనసాగుతుండటం, ఈ విషయంలో సుప్రీం కోర్టు తీర్పును వాయిదా వేయడం వంటి పరిణామాల నేపథ్యంలో రిలయన్స్ ఈ నిర్ణయం తీసుకుంది.
రిలయల్స్ రిటైల్, ఫ్యూచర్ రిటైల్ మధ్య 2020 ఆగస్టు 29న ఒప్పందం కుదిరింది. సీసీఐ, సెబీ, స్టాక్ మార్కెట్ ఎక్స్ఛేంజీలు ఆమోద ముద్ర వేశాయి. ఎన్సీఎల్టీ, ఇతర వాటాదారుల నుంచి ఎన్ఓడీ లభించాల్సి ఉంది.
ఇదీ చదవండి:జట్టుకట్టిన అంబానీ, బియానీ- ఒప్పందం ఖరారు
