మీకు ఇష్టమైన వాహనాన్ని కొనాలనుకుంటున్నారా? ఏదైనా డిస్కౌంట్ లేదా ఆఫర్ ఉంటే బాగుండు అనుకుంటున్నారా? మీ లాంటివారి కోసమే వాహన తయారీ సంస్థలు బంపర్ ఆఫర్లు ప్రకటించాయి. రూ.10 వేలు మొదలుకుని రూ.లక్షల్లో రాయితీలు ఇస్తున్నాయి.
డిస్కౌంట్లు ఎందుకు?
వాహనాలకు ఏప్రిల్ 1 నుంచి భారత్ స్టేజ్ (బీఎస్-6) ఉద్గార నిబంధనలు అమల్లోకి రానున్నాయి. మార్చి 31 తర్వత బీఎస్4 వాహనాలను విక్రయించడం గానీ, రిజిస్ట్రేషన్ చేయడం గానీ నిషేధం. ఈ నేపథ్యంలో ప్రస్తుతం ఉన్న బీఎస్4 యూనిట్లను వీలైనన్ని ఎక్కువగా విక్రయించాలని వాహన తయారీ సంస్థలు నిర్ణయించుకున్నాయి. ఇందులో భాగంగానే బీఎస్4 మోడళ్లపై భారీ డిస్కౌంట్లు ప్రకటిస్తున్నాయి.
గతంలోనూ బీఎస్4 నిబంధనలు తప్పని సరి చేసినప్పుడు.. బీఎస్3 వాహనాలను ఇలానే భారీ రాయితీలకు విక్రయించాయి వాహన సంస్థలు.
ఈ సారి డిస్కౌంట్లతో పాటు లాయల్టీ బోనస్, కార్పొరేట్ ప్రయోజనాలు, తక్కువ కాస్ట్ ఈఎంఐ, ఎక్స్ఛేంజ్ వంటి ఆఫర్లు ఉన్నాయి.
ఆఫర్లలో కొనేముందు గుర్తుంచుకోవాల్సి విషయాలు..
వివిధ కంపెనీలు రూ.10వేల నుంచి డిస్కౌంట్లను ఇస్తున్నాయి. అత్యధికంగా జాగ్వర్ ల్యాండ్ రోవర్ ఎక్స్జే ప్రీమియం సెడాన్ పైన రూ.31.40 లక్షల డిస్కౌంట్ను అందిస్తోంది.
స్టాక్ ఉన్నంత వరకు వర్తించే ఈ ఆఫర్లు ఒక్కో డీలర్ వద్ద ఒక్కో విధంగా ఉండొచ్చని, తదనుగుణంగా అన్ని విషయాలు తెలుసుకోవాలంటున్నారు నిపుణులు. శాశ్వత రిజిస్ట్రేషన్కు సంబంధించి గడువున్న దృష్ట్యా దానికి సంబంధించి జాగ్రత్తలు తీసుకోవాలని సూచిస్తున్నారు.
ప్రముఖ కంపెనీలు వాటి వాహనాలపై ఇస్తున్న డిస్కౌంట్లు ఇలా..
మారుతి సుజుకి…
- ఎర్టిగా - రూ.20,000
- వ్యాగనార్ - రూ.33,100
- బలెనో - రూ.35,000
- సియాజ్ - రూ.40,000
- సెలెరియో - రూ.43,100
- ఈ ఎకో - రూ.43,100
- ఆల్టో - రూ.45,600
- ఇగ్నిస్ - రూ.60,000
- స్విఫ్ట్ - రూ. 72,700
- ఎస్ క్రాస్ - రూ.75,000
- డిజైర్ - రూ.78,900
హుందాయ్ :
- గ్రాండ్ ఐ10 నియోస్ - రూ.55,000
- సాంత్రో - రూ.55, 000
- ఎలైట్ ఐ20 - రూ.65,000
- గ్రాండ్ ఐ10 - రూ.75,000
- వెర్నా - రూ.90,000
- యాక్సెంట్ - రూ.95,000
- క్రెటా - రూ.1,15,000
- టక్సన్ - రూ.2,50,000
- ఎలాంట్రా - రూ.2,50,000
టాటా :
- టియాగో - రూ.50,000
- సఫారీ స్రోమ్ - రూ.55,000
- నెక్సాన్ - రూ.55,000
- టిగోర్ - రూ.70,000
- బోల్ట్ - రూ.80,000
- జెస్ట్ - రూ.90,000
- హ్యారియర్ - రూ.1,30,0000
- హెక్సా - రూ.2,00,000
మహీంద్రా :
- బొలేరో - రూ.47,000
- స్కార్పియో - రూ.60,000
- ఎక్స్ యూవీ 300 - రూ. 70,000
- టీయూవీ 300 -రూ.75,000
- ఎక్స్యూవీ 500 - రూ.84,000
- ఆల్టూరాస్ జీ4 - రూ.4,00,000
- మారాజో - రూ.1,71,000
హోండా:
- అమేజ్ - రూ.42,000
- డబ్ల్యూఆర్వీ - రూ.45,000
- జాజ్ - రూ.50,000
- సిటీ- రూ.72,000
- బీఆర్వీ - రూ.1,10,000
- సివిక్ - రూ.2,50,000
- సీఆర్వీ - రూ.5,00,000
వీటితో పాటు అన్ని ప్రధాన వాహన కంపెనీలు కూడా రాయితీలు, ఆఫర్లను అందిస్తున్నాయి.
ఇదీ చూడండి:కరోనా మోసాలకు ఫేస్బుక్ 'నిషేధం' మందు
