కరోనా నేపథ్యంలో విధించిన లాక్డౌన్ కారణంగా రద్దయిన విమానాలకు టికెట్ బుక్ చేసుకున్న ప్రయాణికులందరికీ రీఫండ్ చేస్తున్నట్లు బడ్జెట్ విమానాయాన సంస్థ ఇండిగో ప్రకటించింది. వారందరికీ 2021 జనవరి 31లోపు సొమ్ము చెల్లిస్తామని వెల్లడించింది.
ఇప్పటికే రూ.1,000 కోట్లను ప్రాసెస్ చేసినట్లు ఇండిగో పేర్కొంది. ఈ మొత్తం తమ వినియోగదారులకు చెల్లించాల్సిన రీఫండ్లో 90 శాతానికి సమానమని చెప్పింది.
కరోనా కారణంగా ఒక్కసారిగా లాక్డౌన్ విధించడం వల్ల ఆదాయం పడిపోయిందని ఇండిగో తెలిపింది. ఈ కారణంగానే వెంటనే రీఫండ్ చేయలేకపోయామని వివరించింది. దేశీయంగా విమాన ప్రయాణాలు కొనసాగుతున్న కారణంగా ఇప్పుడిప్పుడే ఆదాయం పెరుగుతోందని తెలిపింది.
ఇదీ చూడండి:'వ్యాక్సిన్ వ్యయాలపై 200% పన్ను డిడక్షన్!'
