బ్రిటన్‌ సంస్థ కెయిర్న్ ఎనర్జీకి రూ.1.2 బిలియన్ డాలర్లు చెల్లించాలన్న అంతర్జాతీయ మధ్యవర్తిత్వ న్యాయస్థానం ఆదేశాలను కొట్టివేయాలని.. భారత ప్రభుత్వం వాషింగ్టన్ కోర్టును అభ్యర్థించింది. అమెరికా చట్టాల ప్రకారం.. ఈ విషయంలో సార్వభౌమ నిర్ణయాధికారాలు కోర్టుకు ఉన్నాయని తెలిపింది.
గత ఏడాది డిసెంబర్లో కెయిర్న్కు భారత్ రూ.1.26 బిలియన్ డాలర్లు చెల్లించాలని ఆర్బిట్రేషన్ కోర్టు ఆదేశించిన నేపథ్యంలో.. ఆ మొత్తాన్ని చెల్లించేలా ఎయిర్ఇండియాపై ఒత్తిడి తేవాలని 2021 మేలో కెయిర్న్ సంస్థ అమెరికా ఫెడరల్ కోర్టును ఆశ్రయించింది. ఈ నేపథ్యంలో ఆగస్టు 13న.. ప్రభుత్వం అమెరికా జిల్లా కోర్టు (కొలంబియా)లో 'మోషన్ టూ డిస్మిస్' పిటిషన్ను దాఖలు చేసింది. కెయిర్న్, భారత ట్యాక్స్ అథారిటీ మధ్య అధికారిక పరిధి లేదని అందులో పేర్కొంది.
కెయిర్న్కు సానుకూలంగా మారిన ఆ అంశం..
భారత్.. 2012 నాటి రెట్రోస్పెక్టివ్‌ పన్ను చట్టాన్ని వినియోగించి వొడాఫోన్‌ సహా 17 సంస్థలపై మొత్తం రూ.1.10 లక్షల కోట్ల పన్ను విధించినా, కెయిర్న్ కేసులో మాత్రమే అధికంగా వసూలు చేశారు. ఆ సంస్థ నుంచి రూ.10,247 కోట్ల పన్ను బకాయిలు రాబట్టుకునేందుకు కెయిర్న్ భారత అనుబంధ సంస్థలో 10 శాతం వాటా విక్రయించడం, రూ.1,140 కోట్ల డివిడెండు జప్తు చేయడం, రూ.1,590 కోట్ల పన్ను రిఫండ్‌లను నిలిపివేయడం వంటి చర్యలను ఆదాయపు పన్ను సంస్థ చేపట్టింది. 2015 మార్చిలో పన్ను నోటీసు ఇచ్చిన రెండేళ్లలోనే ఎక్కువ శాతం షేర్లను విక్రయించినట్లు ఒక అగ్రగామి పన్ను నిపుణుడు వెల్లడించారు. అటాచ్‌ చేసిన షేర్లను కెయిర్న్ విక్రయించలేదన్న విషయాన్ని మరిచారని, ఇది కెయిర్న్కు న్యాయప్రక్రియల్లో బలం చేకూర్చిందని పన్ను నిపుణులు పేర్కొంటున్నారు.
ఇదీ చదవండి: కెయిర్న్ వివాదంలో భారత్కు ఎదురుదెబ్బ
