సరికొత్త స్మార్ట్ రిస్ట్బ్యాండ్ను విపణిలోకి విడుదల చేసింది గోక్వీ టెక్ సంస్థ. శరీర ఉష్టోగ్రతను పసిగట్టడం "గోక్వీ విటల్ 3.0" ప్రత్యేకత. ఒకవేళ కరోనా లక్షణాలు ఉంటే ముందుగానే తెలియజేస్తుందట. ఈ వాచ్ అమెజాన్, ఫ్లిప్కార్ట్ వంటి ఆన్లైన్ మార్కెట్లో రూ. 3,999 ధరకు అందుబాటులో ఉంది.
"ప్రపంచంలోని పలు ప్రభుత్వాలు, ఆసుపత్రులు, పాఠశాలు, బీపీఓలు, బీమా సంస్థలు, బ్యాంకింగ్, ఫూడ్ డెలివరీ, ఈ-కామర్స్ సంస్థలు గోక్వీ విటల్ 3.0ను ఉపయోగించడానికి మాతో చర్చలు జరుపుతున్నాయి." -విశాల్ గొండల్, గోక్వీ సీఈఓ
పరీక్షల కంటే ముందే..
కొవిడ్ పరీక్షల కంటే ముందే వ్యాధి లక్షణాలు కనిపెట్టడానికి భారత్లో ఓ క్లినికల్ సర్వే నిర్వహించడానికి జర్మన్ అంకుర సంస్థ థ్రైవ్తో, గోక్వీ భాగస్వామ్య ఒప్పందం కుదుర్చుకుందని గొండల్ తెలిపారు. కరోనా లక్షణాలను ముందుగానే కనిపెట్టడం వల్ల వ్యాధి వ్యాప్తి చెందకుండా ఐసోలేషన్లో ఉండేలా గోక్వీ విటల్ 3.0 సహాయపడుతుందన్నారు. వ్యాధి లక్షణాలను గుర్తించడంలో ఈ స్మార్ట్ రిస్ట్బ్యాండ్ విజయవంతంగా పని చేస్తుందని ఆశిస్తున్నట్టు ఆయన తెలిపారు.
గోక్వీ విటల్ 3.0లోని ఫీచర్స్..
- రెండు మార్గాలు ద్వారా ఉష్ణోగ్రతలను పర్యవేక్షిస్తుంది. దీనిలో సహజంగానే ఉష్ణోగ్రతను అంచనా వేస్తుంది. అంతేకాకుండా సెన్సార్ ద్వారా థర్మల్ స్కాన్ చేస్తుంది.
- నిరంతరం పర్యవేక్షించడమే కాకుండా... వినియోగదారులకు అవసరమైనప్పుడు వారి శరీర ఉష్ణోగ్రతలు తెలుసుకోవచ్చు.
- శరీర ఉష్ణోగ్రతతో పాటు హృదయ స్పందన, నిద్ర... ఇలా రోజులో చేసే అన్ని కార్యక్రమాల గురించి తేలియజేస్తుంది.
ఇదీ చూడండి: లష్కరే స్థావరంపై దాడి- కీలక ముష్కరుడు అరెస్ట్
