హైకోర్టు ఆదేశాలపై ఫ్యూచర్​ రిటైల్ అప్పీల్​

అమెజాన్​తో వివాదం విషయంలో దిల్లీ హైకోర్టు తాజా ఆదేశాలపై ఫ్యూచర్​ రిటైల్ అప్పీలుకు వెళ్లింది. ఈ విషయంపై గురువారం విచారణ జరగనున్నట్లు తెలుస్తోంది. ఇరు సంస్థల మధ్య వివాదంలో అమెజాన్​కు అనుకూలంగా దిల్లీ హై కోర్టు మంగళవారం ఆదేశాలు జారీ చేసిన నేపథ్యంలో తాజా పరిణామం చోటు చేసుకుంది.

రిలయన్స్ రిటైల్​తో ఒప్పందం విషయంలో యథాపూర్వ స్థితిని కొనసాగించాలన్న దిల్లీ హైకోర్టు అదేశాలపై ఫ్యూచర్ రిటైల్ అప్పీలుకు వెళ్లింది. ప్యూచర్​ రిటైల్​ తన అప్పీల్​ను హైకోర్టు జాయింట్​ రిజిస్ట్రార్ ముందు ఉంచగా.. గురువారం దీనిపై విచారణకు అనుమతించినట్లు ఈ వ్యవహారంతో సంబంధమున్న న్యాయవాది తెలిపారు.

రిలయన్స్ రిటైల్​, ఫ్యూచర్​ రిటైల్ ఒప్పందం విషయంలో అమెజాన్​ అభ్యంతరం సంతృప్తికరంగా ఉందని.. జస్టిస్​ జేఆర్ మిదా మంగళవారం అభిప్రాయపడ్డారు. దీనితో రిజర్వు చేసిన తీర్పు వెలువరించే వరకు యథాపూర్వ స్థితిని కొనసాగించాలని ఫ్యూచర్​ రిటైల్​ను ఆదేశించారు. ఈ నేపథ్యంతో హైకోర్టు ఆదేశాలను సవాలు చేసింది కిశోర్ బియానీ నేతృత్వంలోని ఫ్యూచర్​ రిటైల్.

ఇదీ చదవండి:'ఫ్యూచర్'​తో వివాదంలో అమెజాన్​కు ఊరట