దిగ్గజ స్మార్ట్ఫోన్ సంస్థల్లో ఒకటైన షియోమీ.. భారత విపణిలోకి మరో సరికొత్త స్మార్ట్ఫోన్ను ప్రవేశపెట్టనుంది. ఎంఐ 11 లైట్ పేరుతో ఉన్న ఈ మోడల్ను మంగళవారం (జూన్ 22) మార్కెట్లోకి విడుదల చేయనున్నట్లు సంస్థ వెల్లడించింది. ఈ ఫోన్ మూడు రంగుల్లో అందుబాటులో ఉంటుందని పేర్కొంది.
క్వాల్కామ్ స్నాప్డ్రాగన్ 780జీ ప్రాసెసర్తో అందుబాటులోకి వచ్చిన తొలి ఫోన్ ఇదే కావడం విశేషం.
ఎంఐ 11 లైట్ ఫీచర్లు..
- ఇప్పటికే చైనాలో విడులైన ఈ మోడల్.. రెండు వేరియంట్లలో అక్కడ అందుబాటులో ఉంది. 8 జీబీ ర్యామ్+128 జీబీ స్టోరేజ్, 8 జీబీ ర్యామ్+256 జీబీ స్టోరేజ్తో లభిస్తోంది.
- ఈ స్మార్ట్ఫోన్కు ఎఫ్హెచ్డీ+ డిస్ప్లే ఉన్న 6.55 ఇంచెన్స్ ఉన్న స్క్రీన్ ఉంటుంది.
- ఇందులోని యూఎఫ్ఎస్ 2.2 ద్వారా 256 అదనపు స్టోరేజ్ను పొందవచ్చు. దీనిని మెమొరీ కార్డ్ సాయంతో 512 జీబీ వరకు పొడిగించుకోవచ్చు.
- ఈ డివైజ్కు 20 మెగాపిక్సల్స్ ఫ్రంట్ కెమెరా సహా 64 ఎంపీ ప్రైమరీ సెన్సార్, 8 ఎంపీ అల్ట్రావైడ్ లెన్స్, 5 ఎంపీ మాక్రో సెన్సార్లైన మూడు రేర్ కెమెరాలు కూడా ఉన్నాయి.
- 33వాట్స్ ఫాస్ట్ ఛార్జింగ్ ఆప్షన్ ఉన్న ఈ ఫోన్ బ్యాటరీ సామర్థ్యం 4,250ఎంఏహెచ్.
- ఎంఐ 11 లైట్ మూడు రంగుల్లో అందుబాటులోకి రానుంది. టస్కనీ కోరల్, జాజ్ బ్లూ, వినైల్ బ్లాక్ రంగుల్లో లభించనుంది.మూడు రంగుల్లో అందుబాటులోకి ఎంఐ 11 లైట్
ధర ఎంతంటే..
భారత్లో ఈ ఫోన్ ధర ఎంత ఉంటుందని అనే విషయంపై సంస్థ ఇంకా స్పష్టత ఇవ్వలేదు. అయితే చైనాలో ఈ ఫోన్ ధర 2,299 యువాన్లు (సుమారు రూ.26,415) నుంచి ప్రారంభం అవుతుంది. 8 జీబీ+256 స్టోరేజ్ వేరియంట్ ధర అక్కడ 2,599 యువాన్లకు (సుమారు రూ.29,860) అందుబాటులో ఉంది.
ఇదీ చదవండి : ఆ కార్ల ధరలు మరోసారి పెంపు
