ఎలక్ట్రానిక్ దిగ్గజం షియోమీ తన ఫ్లాగ్షిప్ స్మార్ట్ఫోన్లు ఎంఐ 10, ఎంఐ 10 ప్రోలను ఫిబ్రవరి 13న చైనాలో విడుదల చేస్తున్నట్లు అధికారికంగా ప్రకటించింది. కరోనా వైరస్ విజృంభిస్తున్న నేపథ్యంలో ఈ ఎంఐ 10 సిరీస్ ఈవెంట్ను ఆన్లైన్లో మాత్రమే హోస్ట్ చేయాలని షియోమీ నిర్ణయించింది.
షియోమీ ప్రపంచంలోనే మొదటిసారిగా 108 ఎంపీ పెంటా కెమెరాను తీసుకొస్తోంది. ఎంఐ10, ఎంఐ 10 ప్రోల్లోని పంచ్ హోల్ కట్అవుట్ లోపల ఈ కెమెరా ఉంటుంది. అయితే దీనిలో వాడిన క్వాల్కమ్ స్నాప్ డ్రాగన్ 865 ఎస్ఓసీ ప్రాసెసర్... ఫిబ్రవరి 11న లాంఛ్ కానున్న సామ్సంగ్ గెలక్సీ ఎస్ 20 సిరీస్లో కూడా ఇదే వాడడం గమనార్హం.
షియోమీ ఎంఐ 10 సిరీస్ ఫీచర్లు
| ఎంఐ 10 | ఎంఐ 10 ప్రో |
| 6.5 అంగుళాల అమోలెడ్ డిస్ప్లే (90హెచ్డబ్ల్యూ రిఫ్రెష్ రేటు) | 6.5 అంగుళాల అమోలెడ్ డిస్ప్లే(120 హెచ్డబ్ల్యూ రిఫ్రెష్ రేటు) |
| ఇన్డిస్ప్లే ఫింగర్ ప్రింట్ స్కానర్ | ఇన్డిస్ప్లే ఫింగర్ప్రింట్ స్కానర్ |
| క్వాల్కమ్ స్నాప్ డ్రాగన్ 865 ఎస్ఓసీ ప్రాసెసర్ | క్వాల్కమ్ స్నాప్ డ్రాగన్ 865 ఎస్ఓసీ ప్రాసెసర్ |
| 12 జీబీ ర్యామ్+256జీబీ ఇంటర్నెల్ స్టోరేజీ | 16జీబీ ర్యామ్ (ఎల్పీడీడీఆర్ 5 ర్యామ్)+ 256జీబీ ఇంటర్నెల్ స్టోరేజీ |
| 5జీ సపోర్ట్ | 5జీ సపోర్ట్ |
| 4500 ఎంఏహెచ్ బ్యాటరీ | 5250 ఎమ్ఏహెచ్ బ్యాటరీ |
| 40 వాట్ వైర్డ్ +30 వాట్ వైర్లెస్ ఛార్జింగ్ సపోర్ట్ | 66 వాట్ ఫాస్ట్ఛార్జింగ్ సపోర్ట్ |
| ఎంఐ 10 కెమెరా | ఎంఐ 10 ప్రో కెమెరా |
| 108 ఎంపీ ప్రైమరీ రియర్ కెమెరా | 108 ఎంపీ ప్రైమరీ రియర్ కెమెరా |
| వెనుక భాగంలో క్వాడ్ కెమెరా | వెనుక భాగంలో క్వాడ్ కెమెరా |
| 48 ఎంపీ టెలిఫొటో కెమెరా (5ఎక్స్ ఆప్టికల్ జూమ్ సామర్థ్యం) | 48 ఎంపీ టెలిఫొటో కెమెరా (5ఎక్స్ ఆప్టికల్ జూమ్ సామర్థ్యం) |
| 12 ఎంపీ ఆల్ట్రావైడ్ యాంగిల్ సెన్సార్ | 12 ఎంపీ ఆల్ట్రావైడ్ యాంగిల్ సెన్సార్ |
| 8 ఎంపీ డెప్త్ సెన్సార్ | 8 ఎంపీ డెప్త్ సెన్సార్ |
భారత్లో లాంఛ్ అవుతుందా?
షియోమీ ఈ స్మార్ట్ఫోన్లను భారత్లో విడుదల చేస్తుందా లేదా అనే విషయంపై ఎలాంటి అధికారిక సమాచారం లేదు. ఒక వేళ భారత్కు తేవాలనుకుంటే మాత్రం 2020 మార్చి, ఏప్రిల్లో తీసుకురావచ్చు.
ఇదీ చూడండి: జనవరిలోనూ 'ఆటో' రివర్స్ గేర్- సేల్స్ 6.2% డౌన్
