2020 ఏప్రిల్లో టెలికాం సంస్థలు 82 లక్షల మంది వినియోగాదారులను కోల్పోయాయని టెలికారం రెగ్యులేటరీ అథారిటీ ట్రాయ్ తెలిపింది. కరోనా సంక్షోభం, లాక్డౌన్ విధించడమే ఇందుకు కారణమని ట్రాయ్ విడుదల చేసిన డేటా స్పష్టం చేసింది.
ట్రాయ్ డేటా ప్రకారం
కరోనా ధాటికి ఎయిర్టెల్, వొడాఫోన్-ఐడియాలు భారీగా నష్టపోయాయని ట్రాయ్ డేటా స్పష్టం చేస్తోంది. ముఖ్యంగా ఎయిర్టెల్ 52 లక్షల మంది, వొడాఫోన్-ఐడియా 45 లక్షల వినియోగదారులను కోల్పోయినట్లు పేర్కొంది.
జయహో.. జియో
ముఖేశ్ అంబానీ నేతృత్వంలోని రిలయన్స్ జియో మాత్రం ఇదే సమయంలో 16 లక్షల మంది కొత్త సబ్స్క్రైబర్స్ను చేర్చుకోగలిగింది. అయితే అంతకు ముందు నెలలో పోల్చుకుంటే.. జియో వినియోగదారుల పెరుగుదల ఏప్రిల్లో తక్కువగా ఉంది.
అగ్రస్థానంలో జియో..
మొత్తం దేశీయ టెలికారం రంగంలో జియో 33.85 శాతం వాటాతో అగ్రస్థానంలో ఉంది. ఎయిర్టెల్ 28.06 శాతం, వొడాఫోన్-ఐడియా 27.37 శాతం, బీఎస్ఎన్ఎల్ 10.43 శాతం, ఎంటీఎన్ఎల్ 0.29 శాతం వాటాతో తరువాతి స్థానాల్లో ఉన్నాయి.
ఇదీ చూడండి: వెండి ధరలో భారీ పెరుగుదల.. కారణమేంటి?
