జీడీపీ వృద్ధి ప్రతికూలంగా ఉండే అవకాశాలున్నాయని ఆర్బీఐ చేసిన ప్రకటనతో... దేశీయ మార్కెట్లు భారీగా నష్టపోయాయి. కీలక వడ్డీ రేట్లు తగ్గిస్తూ ఆర్బీఐ నిర్ణయం తీసుకున్నప్పటికీ... మదుపరులను ఏ మాత్రం సంతృప్తిపరచలేకపోయింది.
బొంబాయి స్టాక్ ఎక్స్ఛేంజి సూచీ సెన్సెక్స్ 260 పాయింట్లు కోల్పోయి 30 వేల 672 వద్ద ముగిసింది. జాతీయ స్టాక్ ఎక్స్ఛేంజి సూచీ నిఫ్టీ 67 పాయింట్లు నష్టపోయి 9 వేల 39 వద్ద స్థిరపడింది.
కీలక వడ్డీ రేట్ల తగ్గింపు...
కరోనా సంక్షోభం, లాక్డౌన్ వల్ల దెబ్బతిన్న భారత ఆర్థిక వ్యవస్థకు ఉపశమనం కలిగించేలా ఆర్బీఐ కీలక వడ్డీ రేట్లను తగ్గించింది. రెపో రేటును 4 శాతానికి, రివర్స్ రెపో రేటును 3.75 శాతానికి పరిమితం చేసింది. టర్మ్ లోన్లపై మారటోరియాన్ని మరో మూడు నెలలు పొడిగించింది. జీడీపీ వృద్ధి ప్రతికూలంగా ఉండే అవకాశాలు ఉన్నాయని అభిప్రాయపడింది.
లాభనష్టాల్లో
ఎమ్ అండ్ ఎమ్, ఇన్ఫోసిస్, ఏషియన్ పెయింట్స్, మారుతి సుజుకి, టెక్ మహీంద్రా రాణించాయి.
యాక్సిస్ బ్యాంకు, హెచ్డీఎఫ్సీ ట్విన్స్, బజాజ్ ఫైనాన్స్, టాటా స్టీల్, రిలయన్స్, ఓఎన్జీసీ నష్టపోయాయి.
ఆసియా మార్కెట్లు
అమెరికా-చైనా ఉద్రిక్తతలు పెరిగిపోతున్న నేపథ్యంలో ఆసియా మార్కెట్లు హాంగ్సెంగ్, కోస్పీ, నిక్కీ, షాంఘై కాంపోజిట్ తీవ్రంగా నష్టపోయాయి.
ఇదీ చూడండి: 'వడ్డీ రేట్లు తగ్గింపు- ఈఎంఐలపై మారటోరియం'
