వినియోగదారులకు అనుకూలంగా పెట్రోల్, సీఎన్జీ గ్యాస్లకు డోర్ డెలివరీ సౌకర్యం కల్పించే అంశాన్ని పరిశీలిస్తున్నట్లు ఇంధన శాఖ మంత్రి ధర్మేంద్ర ప్రధాన్ తెలిపారు. ఇప్పటికే డీజిల్ డోర్ డెలివరీ విజయవంతం అయిన విషయాన్ని ఆయన గుర్తు చేశారు. 11 రాష్ట్రాల్లో 56 కొత్త సీఎన్జీ స్టేషన్లు ప్రారంభించిన సందర్భంగా ఆయన ఈ వ్యాఖ్యలు చేశారు.
అన్నీ ఒకే చోట
పెట్రోల్, డీజిల్, సీఎన్జీ, ఎల్ఎన్జీ, ఎల్పీజీ... ఇలా అన్ని రకాల ఇంధనాలు ఒకే చోట లభించేలా ఒక్క ఇంధన రిటైలింగ్ మోడల్ను ఆవిష్కరించే అంశాన్ని ప్రభుత్వం పరిశీలిస్తోందని ధర్మేంద్ర ప్రధాన్ తెలిపారు.
ఐఓసీ
దేశంలో అతిపెద్ద ఇంధన రిటైలర్ అయిన ఇండియన్ ఆయిల్ కార్పొరేషన్ (ఐఓసీ) 2018 సెప్టెంబర్ నుంచి మొబైల్ డిస్పెన్సర్ ద్వారా డీజిల్ను డోర్ డెలివరీ చేయడం ప్రారంభించింది. అయితే ఈ సౌలభ్యం కొన్ని నగరాల్లో మాత్రమే అందుబాటులో ఉంది.
సురక్షిత పద్ధతులు అవసరం
డీజిల్ కంటే పెట్రోల్, సీఎన్జీలకు మండే స్వభావం ఎక్కువ. కనుక ప్రమాదం జరిగే అవకాశాలు కూడా ఎక్కువ. అందుకే వీటిని డోర్ డెలివరీ చేయలాంటే మరింత సురక్షితమైన పద్ధతులు, టెక్నాలజీ అభివృద్ధి చేయాల్సిన అవసరం ఉంది.
ఇదీ చూడండి: క్లినికల్ ట్రయల్స్కు 'సన్ఫార్మా'కు అనుమతి
