మే నెలలో జరిగిన దేశ సార్వత్రిక ఎన్నికలు ఈ ఏడాదిలో ప్రత్యేకం. ప్రధానమంత్రి నేతృత్వంలోని భాజపా అత్యధిక మెజారిటీ సాధించడం మరో విశేషం. ఆ తర్వాత కమల దళ విజయంపై హర్షం వ్యక్తం చేస్తూ.. మోదీ చేసిన ట్వీట్ కూడా ఎంతో ప్రత్యేకమని ట్విట్టర్ ప్రకటించింది.
సార్వత్రిక ఎన్నికల అనంతరం భాజపా విజయాన్ని ప్రస్తావిస్తూ మోదీ చేసిన ట్వీట్కు ఈ ఏడాదిలోనే అత్యధిక రీట్వీట్లు (1.17లక్షలు), లైక్స్ (4.2లక్షలు) వచ్చాయని ట్విట్టర్ ప్రకటించింది. దీనిని ఈ ఏడాదికి గాను 'గోల్డెన్ ట్వీట్' అని పేర్కొంది.
#లోక్సభఎలెక్షన్స్2019 హ్యాష్ట్యాగ్ను నెటిజన్లు విపరీతంగా ఉపయోగించారని పేర్కొంది ఈ సామాజిక మాధ్యమ దిగ్గజం. తర్వాతి స్థానాల్లో #చంద్రయాన్, #సీడబ్ల్యూసీ19, #పుల్వామా, #ఆర్టికల్ 370 హ్యాష్టాగ్స్ ఉన్నాయని వివరించింది.
ఇతర రంగాల్లో...
సినీరంగానికి సంబంధించి.. బాలీవుడ్ దిగ్గజం అమితాబ్ బచ్చన్, అగ్రనాయిక సోనాక్షి సిన్హాను ప్రస్తావిస్తూ నెటిజన్లు అనేక మార్లు ట్వీట్ చేశారని పేర్కొంది ట్విట్టర్.
భారత క్రికెట్ జట్టు మాజీ సారథి మహేంద్ర సింగ్ ధోనీకి జన్మదిన శుభాకాంక్షలు చెబుతూ విరాట్ కోహ్లీ చేసిన ట్వీట్కు క్రీడారంగంలోనే అత్యధిక రీట్వీట్లు అందాయి.
