లాక్డౌన్ ఉన్నా ఆన్లైన్లో ఎలక్ట్రానిక్ పరికరాల విక్రయాలకు వీలు కల్పించాలని నిర్ణయించింది కేంద్రం. ఏప్రిల్ 20 నుంచి మొబైల్ ఫోన్లు, టెలివిజన్లు, రిఫ్రిజిరేటర్లు, ల్యాప్టాప్లు తదితర ఎలక్ట్రానిక్ వస్తువులను.. అమెజాన్, ఫ్లిప్కార్ట్, స్నాప్డీల్ వంటి ఇ-కామర్స్ ప్లాట్ఫాంల ద్వారా విక్రయించేందుకు అనుమతిస్తున్నట్లు హోం శాఖ సీనియర్ అధికారి ఒకరు తెలిపారు.
డెలివరీ చేసే వాహనాలు రోడ్లపై ప్రయాణించేందుకు ఇ-కామర్స్ కంపెనీలు అనుమతి పొందాల్సి ఉంటుందని స్పష్టంచేసింది ప్రభుత్వం. వీటితో పాటు వాణిజ్య, ప్రైవేటు సంస్థలు పనిచేసేందుకు అనుమతించేలా మార్గదర్శకాలు జారీ చేసింది.
గతంలో ఆహారం, ఔషధాలు, వైద్య పరికరాలు వంటి అవసరమైన వస్తువులనే ఆన్లైన్లో విక్రయించేందుకు అనుమతులిచ్చింది హోంశాఖ. అయితే మార్చి 25 నుంచి లాక్డౌన్ కారణంగా నిలిచిపోయిన పారిశ్రామిక, వాణిజ్య కార్యకలాపాలను పునరుద్ధరించడానికి ప్రభుత్వం చేపట్టిన చర్యగా ఆర్థిక నిపుణులు భావిస్తున్నారు.
అనుమతి షురూ ఇలా..
- డ్రైవింగ్ లైసెన్సు ఉన్న ఇద్దరు డ్రైవర్లు, ఒక హెల్పరుతో అన్ని ట్రక్కులు, ఇతర సరకుల రవాణా వాహనాల ప్రయాణానికి అనుమతి.
- సరకుల సేకరణ, డెలివరీ సమయాల్లో ఖాళీ ట్రక్కుకు అనుమతి.
- ట్రక్కులకు మరమ్మత్తులు చేసే షాపులు, రహదారులపై దాబాలకు ప్రభుత్వ నిర్దేశించిన కనీస దూరంలో ఉండేలా అనుమతి.
