తగ్గిన బంగారం, వెండి ధరలు

పసిడి, వెండి ధరలు మరింత తగ్గాయి. 10 గ్రాముల మేలిమి పుత్తడి ధర సోమవారం రూ.47 వేల దిగువకు చేరింది. వెండి ధర కిలోకు రూ.984 దిగొచ్చింది.

బంగారం, వెండి ధరలు క్రమంగా దిగొస్తున్నాయి. సోమవారం 10 గ్రాముల స్వచ్ఛమైన పసిడి ధర రూ.81 తగ్గి.. రూ.46,976 వద్దకు చేరింది. డాలర్​తో పోలిస్తే రూపాయి పుంజుకోవడం పసిడి ధరల తగ్గుదలకు కారణంగా విశ్లేషకులు చెబుతున్నారు.

వెండి ధర భారీగా రూ.984 (కిలోకు) తగ్గింది. ప్రస్తుతం దిల్లీలో కిలో వెండి ధర రూ.67,987 వద్ద ఉంది.

అంతర్జాతీయ మార్కెట్లో ఔన్సు బంగారం ధర 1,779 డాలర్లకు పెరిగింది. వెండి మాత్రం ఔన్సుకు 26.02 డాలర్ల వద్ద ఫ్లాట్​గా ఉంది.

ఇదీ చదవండి:'ధనిక దేశాలు వేగంగా పుంజుకుంటాయ్‌'