పెట్రో ధరలు పెరిగి దేశ ప్రజలు అల్లాడుతున్న వేళ.. కేంద్ర రోడ్డు, రవాణా శాఖ మంత్రి నితిన్ గడ్కరీ(Nitin Gadkari News) కీలక వ్యాఖ్యలు చేశారు. కేంద్రం త్వరలోనే 'ఫ్లెక్స్ ఇంజిన్ పాలసీ'ని(Flex Engine In India) తీసుకురానుందని తెలిపారు. ఇథనాల్(Ethanol Vehicles In India) ఆధారిత ఫెక్స్ ఇంజిన్ల వినియోగం ద్వారా పెట్రోల్ అవసరం తగ్గుతుందని చెప్పారు. తద్వారా.. ప్రజలకు ఇంధన ధరల బాధ నుంచి కాస్త విముక్తి కలుగుతుందని పేర్కొన్నారు. ఈ మేరకు 'ఈటీవీ భారత్'కు ఇచ్చిన ఇంటర్వ్యూలో ఆయన మాట్లాడారు.
"ప్రపంచంలోని ఆటోమొబైల్ సంస్థలన్నీ.. పెట్రోల్ ఆధారిత వాహనాలనే ఉత్పిత్తి చేస్తున్నాయి. అవే మార్కెట్లలో దొరుకుతున్నాయి. అయితే.. బ్రెజిల్, కెనడా, అమెరికాలో డ్రైవర్లకు పెట్రోలే కాకుండా పలు రకాల ఆప్షన్లు ఉంటాయి. ఆ దేశాల్లో వాహనదారులు.. పెట్రోల్ లేదా బయో ఇథనాల్ను కొట్టించుకోవచ్చు. అక్కడి కార్లు పెట్రోల్తో నడుస్తాయి. బయో ఇథనాల్తోనూ నడుస్తాయి. మన దేశంలో పెట్రోల్ ధర ప్రస్తుతం రూ.100కు పైగా ఉంది. అయితే... అదే సమయంలో ఇథనాల్ ధర రూ.65 మాత్రమే. భారత్లో రైతులు ఇథనాల్ను ఉత్పత్తి చేయవచ్చు. చెరకు రసం, మొలాసిస్, బియ్యం తదితరాలతో దాన్ని ఉత్పత్తి చేయవచ్చు."
-నితిన్ గడ్కరీ, కేంద్ర రోడ్డు, రవాణా శాఖ మంత్రి.
భారత్ ప్రస్తుతం రూ.8 లక్షల కోట్లు విలువ చేసే ముడి చమురును దిగుమతి చేసుకుంటోందని గడ్కరీ(Nitin Gadkari News) తెలిపారు. రాబోయే ఐదేళ్లలో ఇది రూ.25 లక్షల కోట్లకు చేరుతుందని పేర్కొన్నారు. కాబట్టి.. దిగుమతులపై ఆధార పడకుండా స్వయం సమృద్ధి దిశగా భారత్ మారాల్సిన అవసరం ఉందని చెప్పారు.
ఇథనాల్ ధర రూ.65 మాత్రమే..
"పెట్రోల్ కంటే ఇథనాల్(Ethanol Vehicles In India) ఎన్నో రెట్లు ఉత్తమం. ఇథనాల్ వినియోగం(Ethanol Vehicles In India) ద్వారా కాలుష్యం తగ్గుతుంది. అందుకే మనకు ఫ్లెక్స్ ఇంజిన్ ఆప్షన్ ఉంది. ఈ ఇంజిన్ల ద్వారా పెట్రోల్ లేదా ఇథనాల్ను వినియోగించవచ్చు. దీనికోసం అదనంగా ఖర్చు చేయాల్సిన పనేమీ లేదు. ఒక ఫిల్టర్ మాత్రమే అవసరం అవుతుంది. మెటల్ వాషర్లకు బదులు రబ్బర్ వాషర్లను వినియోగించవచ్చు. ఈ సాంకేతికతను దేశంలోని ఎన్నో కంపెనీలు కూడా వినియోగిస్తున్నాయి. దేశంలో పెట్రోల్ ధర అధికంగా ఉంటే.. ప్రజలు ఇథనాల్ను(Ethanol Price) రూ.65కే పొందుతారు. ఒక్క లీటర్ ఇథనాల్ ద్వారా కనీసం రూ.25 ఆదా చేసుకోవచ్చు. కాలుష్యం తగ్గడం సహా రైతులకు కూడా కాస్త ఆదాయం చేకూరుతుంది. స్వయం సమృద్ధ దిశగా భారత్ అడుగులు వేయటంలో ఇదో పెద్ద ఘనత."
-నితిన్ గడ్కరీ, కేంద్ర రోడ్డు, రవాణా శాఖ మంత్రి.
'భవిష్యత్ అంతా ఇథనాల్దే'
రాబోయే రోజుల్లో పెట్రోల్ స్థానాన్ని ఇథనాల్ భర్తీ చేస్తుందని గడ్కరీ(Nitin Gadkari News) విశ్వాసం వ్యక్తం చేశారు. ప్రస్తుతం ఇథనాల్ను చెరకు కర్మాగారంలోని మొలాసిస్ ద్వారా మాత్రమే ఉత్పత్తి చేస్తున్నారని చెప్పారు. అయితే.. దేశంలో భారీగా బియ్యం నిల్వలు ఉన్నందున, బియ్యంతోనూ, ఇతర ధాన్యాలతోనూ దీన్ని ఉత్పత్తి చేయవచ్చని పేర్కొన్నారు. పట్టణాల్లో వెలువడే వ్యర్థాలు కూడా ఇథనాల్ ఉత్పత్తిలో సహకరిస్తాయని వెల్లడించారు.
"ఇథనాల్ దేశ ఆర్థికాన్ని పెంచుతుంది. అంతేగాకుండా.. కాలుష్యం తగ్గుతుంది. చమురు దిగుమతులు కూడా తగ్గుతాయి. ఐదు టన్నుల గడ్డితో ఒక టన్ను బయో-సీఎన్జీని ఉత్పత్తి చేయగలం. బయో-సీఎన్జీకి బదులు బయో-ఎల్ఎన్జీని కూడా తయారు చేసుకోగలం. భారత వాయుసేనలోనే కాకుండా సాధారణ విమానాల్లోనూ ఇథనాల్ను వినియోగించవచ్చు" అని గడ్కరీ తెలిపారు. 2009 నుంచి తాను ఈ ఇథనాల్ అంశం గురించి ప్రస్తావిస్తూ వస్తున్నానని చెప్పారు.
'భారత్లో 26 హరిత రహదారులు..'
"ముంబయి, దిల్లీ తరహాలో దేశంలో 26 హరిత రహదారులు(green highway) నిర్మితం కానున్నాయి. అమెరికా ప్రమాణాలతో వీటిని రానున్న మూడేళ్లలో ఏర్పాటు చేయాలన్నది నా లక్ష్యం. దీని కోసం ఇంజినీర్లు, ఇతర విభాగాలు రాత్రింబవళ్లు పని చేస్తున్నారు" అని గడ్కరీ వెల్లడించారు.
'పెద్దవాహనాల ఉత్పత్తిలో భారత్ టాప్!'
దేశంలో ఆదాయపరంగా.. ఆటోమొబైల్ రంగం రూ.7.5 లక్షల నుంచి 15 లక్షల కోట్లకు ఎదిగిందని గడ్కరీ తెలిపారు. ఈ రంగం ఎంతోమందికి ఉపాధి కల్పిస్తోందని చెప్పారు. దేశంలో తయారయ్యే 50శాతం ద్విచక్ర వాహనాలను విదేశాలకు ఎగుమతి అవుతున్నాయని చెప్పారు. పెద్ద వాహనాల ఉత్పత్తిలో భారత్ రారాజుగా మారుతుందని చెప్పారు.
ఇవీ చూడండి:
