భారత్ సంచార్ నిగమ్ లిమిటెడ్ (బీఎస్ఎన్ఎల్) 4జీ సేవలు దేశవ్యాప్తంగా మార్చి 1 నుంచి ప్రారంభమయ్యే అవకాశం ఉంది. పబ్లిక్ సర్వీస్ అండర్ టేకింగ్స్ (పీఎస్యూ) ఈ అంశంపై ఇప్పటికే టెలికాం శాఖను సంప్రదించింది.
బీఎస్ఎన్ఎల్ ప్రస్తుతం కొన్ని పరిమిత సర్కిళ్లలో 3జీ స్పెక్ట్రం ఉపయోగించి 4జీ సేవలను అందిస్తోంది. కానీ మార్చి నుంచి 4జీ సేవలు పూర్తిస్థాయిలో అందించడానికి సన్నాహాలు చేస్తోంది. హైఎండ్ బేసిక్ ట్రాన్స్ రిసీవర్ స్టేషన్లు (బీటీఎస్) ద్వారా ఈ సేవలు అందించనుంది.
4జీ ప్లాన్లు?
మార్చి 1 నుంచి 4జీ సేవలు అందుబాటులోకి వస్తే.. అందుకు తగ్గ నూతన ప్లాన్లలను కూడా అప్పుడే తీసుకొచ్చే అవకాశం ఉంది. ప్రస్తుతం అత్యంత చౌకగా డేటా ప్లాన్లు అందిస్తున్నది బీఎస్ఎన్ఎల్ మాత్రమే. 4జీ డేటా కూడా అంతే చౌకగా ఇస్తే.. వినియోగదారులకు అది బెస్ట్ ఛాయిస్ అవుతుందనడంలో ఎలాంటి సందేహం లేదు.
ఫుల్స్వింగ్లో బీఎస్ఎన్ఎల్
భారత టెలికాం ఆపరేటర్లలో రిలయన్స్ జియో 37 కోట్ల మంది చందాదారులతో ప్రథమస్థానంలో ఉంది. ఎయిర్టెల్ తరువాతి స్థానంలో ఉంది. ప్రస్తుతం బీఎస్ఎన్ఎల్కు 12 కోట్ల మంది సబ్స్క్రైబర్స్ ఉన్నారు. ఒకసారి 4జీ సేవలు ప్రారంభమైతే ఈ సంఖ్య గణనీయంగా పెరిగే అవకాశం ఉంది. లీడింగ్లో ఉన్న జియో, ఎయిర్టెల్, వొడాఫోన్, ఐడియాలకు గట్టి షాక్ తగిలే అవకాశమూ లేకపోలేదు.
ఇదీ చూడండి: '5 ట్రిలియన్‌ డాలర్ల లక్ష్యం కష్టమే కానీ.. అసాధ్యం కాదు'
