త్వరలో కరోనా వైరస్​ను అంతం చేసే దుస్తులు

వస్త్ర రంగంలో విప్లవాత్మక మార్పులకు శ్రీకారం చుట్టింది అరవింద్ లిమిటెడ్​ సంస్థ. కరోనా వైరస్​ను​ అంతం చేయగల దుస్తులను త్వరలోనే ఆవిష్కరించనున్నట్లు ప్రకటించింది. ఇంటెలిఫాబ్రిక్స్​ పేరుతో వీటిని వినియోగదారులకు అందించనున్నట్లు తెలిపింది.

ప్రస్తుతం కొవిడ్ మహమ్మారి ప్రపంచాన్ని అతలాకుతలం చేస్తున్న నేపథ్యంలో వస్త్ర రంగంలో వినూత్న ఆవిష్కరణకు సన్నాహాలు చేస్తోంది ప్రముఖ టెక్స్​టైల్​ సంస్థ అరవింద్​ లిమిటెడ్. కరోనా వైరస్​ను అంతమొందించే యాంటీ వైరల్​​ దుస్తులను తయారు చేయనున్నట్లు ప్రకటించింది. త్వరలోనే వీటిని అందుబాటులోకి తీసుకురానున్నట్లు తెలిపింది.

ఇంటెలిఫాబ్రిక్స్​ పేరుతో తయారు చేస్తున్న ఈ దుస్తుల కోసం స్విస్ టెక్స్​టైల్ దిగ్గజం హైక్యూతో జతకట్టనుంది అరవింద్​. తైవాన్​కు చెందిన జిన్​టెక్స్​ కార్పొరేషన్ సహకారం కూడా తీసుకోనుంది.

దుస్తులపై వైరస్, బాక్టీరియా రెండు రోజుల పాటు మనుగడ సాగిస్తాయని పరిశోధనలు చెబుతున్నాయి.హైక్యూ వైరోబ్లాక్ సాంకేతికతతో వైరస్​ను అంతమొందించచ్చని అరవింద్​ లిమిటెడ్ ఎక్జిక్యూటివ్ డైరెక్టర్​ కులిన్​ లాల్​భాయ్​ తెలిపారు. ఫలితంగా వైరస్ వ్యాప్తిని నియంత్రించవచ్చన్నారు.

" కరోనా కారణంగా ఊహించని పరిస్థితిని ప్రపంచం ఎదుర్కొంటోంది. ఈ నేపథ్యంలో మా వినియోగదారులకు రక్షణ కల్పించేందుకు కట్టుబడి ఉన్నాం. అందుకే హైక్యూతో భాగస్వామ్యం నెలకొల్పాం. వైరోబ్లాక్​ సాంకేతికతను భారత్​లో తొలిసారి వినియోగిస్తున్నాం. వైరస్​ నుంచి రక్షణతో పాటు ఫ్యాషన్​గా ఉండే దుస్తులను అతి త్వరలో మార్కెట్​లోకి తీసుకొస్తాం "

-కులిన్ లాల్​భాయ్, అరవింద్​ లిమిటెడ్​ ఎక్జిక్యూటివ్ డెరెక్టర్​

హైక్యూ వైరోబ్లాక్​ ప్రపంచంలోనే అత్యాధునిక యాంటి వైరల్​ ఉత్పత్తులలో ఒకటి. సార్స్​ కొవ్​-2 వంటి వైరస్​లను 30 నిమిషాల్లోనే 99.9శాతం నాశనం చేయగలదు.