అన్ని వర్గాల నుంచి తీవ్ర వ్యతిరేకత ఎదురవుతున్నప్పటికీ.. ఉద్యోగుల భత్యాల్లో భారీగా కోత విధించింది ఎయిర్ ఇండియా. పౌర విమానయాన శాఖ మార్గదర్శకాల మేరకు ఎయిర్ ఇండియా బోర్డ్ ఆఫ్ డైరక్టర్లు ఈ నిర్ణయం తీసుకున్నారు. 2020 ఏప్రిల్ 1 నుంచి తదుపరి ఆదేశాలు అందించేంత వరకు ఈ నిర్ణయం అమలులో ఉంటుందని విమాన సంస్థ వెల్లడించింది.
ఈ కోత కేవలం పైలట్లు, విమాన సిబ్బందికే కాకుండా.. అన్ని వర్గాల ఉద్యోగులకు వర్తించనుంది. అయితే వేతనం, ఐడీఏ, హెచ్ఆర్ఏ సహా ఇతర భత్యాల్లో ఎలాంటి మార్పులు లేవని ఎయిర్ ఇండియా పేర్కొంది.
డీపీఈ మినహా.. ఇతర భత్యాలకు, ఆమోదించిన భత్యాల్లో 40శాతం కోత పడింది. ఫ్లైయింగ్ అలవెన్స్, ఎగ్జిక్యూటివ్ ఫ్లైయింగ్ అలవెన్స్, స్పెషల్ పే వైడ్ బాడీ అలవెన్స్, క్విక్ రిటర్న్ అలవెన్స్ సహా మరికొన్ని ఈ పరిధిలోకి వస్తాయి.
సాధారణ కేటగిరీ అధికారుల జీతాలు, భత్యాల్లో(ఐడీఏ, హెచ్ఆర్) ఎలాంటి మార్పులు లేవు. కానీ ఇతర భత్యాల్లో 50శాతం మేర తగ్గించారు. సాధారణ కేటగిరీ సిబ్బంది, ఆపరేటర్ల భత్యాల్లో 30శాతం, శాశ్వత, కాంట్రక్ట్ క్యాబిన్ సిబ్బంది భత్యాల్లో 20శాతం కోత విధించింది ఎయిర్ ఇండియా.
ఇదీ చూడండి:- ఇండిగోలో 10% మంది ఉద్యోగులకు ఉద్వాసన
