సాయంత్రంలోగా అంబేడ్కర్ విగ్రహాన్ని తమకు అప్పగించకపోతే నగరంలో ఉన్న వైఎస్సార్ విగ్రహాలను కూల్చి వేస్తామని కాంగ్రెస్ సీనియర్ నేత వి.హనుమంత రావు హెచ్చరించారు. ఈరోజు ఉదయం పంజాగుట్టలో అంబేడ్కర్ విగ్రహాన్ని ప్రతిష్టించడానికి వెళ్లిన వీహెచ్ను పోలీసులు అడ్డుకుని అరెస్టు చేసి బొల్లారం పీఎస్ కు తరలించారు. మొన్నటి వరకు ఎన్నికల కోడ్ పేరుతో విగ్రహాన్ని పెట్టకుండా అడ్డుకున్నారని.. ఇప్పుడు కోడ్ అమల్లో లేనప్పటికీ పోలీసులు ఓవరాక్షన్ చేస్తున్నారని వీహెచ్ మండిపడ్డారు. ప్రభుత్వం వెంటనే అంబేడ్కర్ విగ్రహాన్ని ప్రతిష్టించే విధంగా సహకరించాలని డిమాండ్ చేశారు. పోలీసులు, ప్రభుత్వ తీరు మారకుంటే ఆందోళన తీవ్రతరం చేస్తామని వీహెచ్ హెచ్చరించారు.
అంబేడ్కర్ విగ్రహాన్ని అప్పగించండి
ఇవీ చూడండి: వీహెచ్ అరెస్ట్... పంజాగుట్టలో ఉద్రిక్తత
