ఈడీ ముందు ఉదయ్​సింహా

ఓటుకు నోటు కేసులో ఏ3 ఉదయ్​సింహా ఈడీ కార్యాలయానికి హాజరయ్యారు. పలు కీలక అంశాలపై అధికారులు ఆయనను ప్రశ్నిస్తున్నారు.

తెలుగు రాష్ట్రాల్లో సంచలనం సృష్టించిన ఓటుకు నోటు కేసులో ఆరోపణలు ఎదుర్కొంటున్న ఉదయసింహా ఈడీ ఎదుట విచారణకు హాజరయ్యారు. ఉదయం బషీర్​బాగ్​లోని ఈడీ కార్యాలయానికి వచ్చారు. కేసుకు సంబంధించిన కొన్ని కీలక పత్రాలను వెంటతీసుకొచ్చారు. ఈ కేసులో ఉదయ్​సింహా ఏ3గా ఉన్నారు. కాంగ్రెస్ నేత రేవంత్‌రెడ్డి కూడా ఈడీ విచారణకు హాజరయ్యే అవకాశం ఉన్నట్లు తెలుస్తోంది. రేవంత్​కు గతవారమే ఈడీ నోటీసులు జారీ చేసింది. ఆ గడువు రేపటితో ముగుస్తుంది. ఈనెల 12న ఇదే కేసులో మాజీ ఎమ్మెల్యే వేం నరేందర్‌రెడ్డి, అతడి ఇద్దరు కుమారులను ఈడీ అధికారులు విచారించారు.