కర్ణాటక చిత్రదుర్గలో జాతీయ రహదారికి 4 కిలోమీటర్ల దూరంలో ఓ దాబా ఉంది. పట్టణంలో మంచి రుచికర భోజనం దొరికే ప్రదేశాల్లో ఇదీ ఒకటి. చిత్రదుర్గ కోటను సందర్శించేందుకు వచ్చిన వారిని 'సతారా దాబా' ఆహ్వానిస్తుంది. అయితే ఈ దాబాను నడిపేది ట్రాన్స్జెండర్లు.
తమకూ ఆత్మగౌరవముందని తెలియజెప్పేందుకే ఈ ప్రయత్నమని వారు చెబుతున్నారు. ఎవరూ సాయం చేయకపోయినా స్వతంత్రంగా సాధికారత సాధించగలమని నిరూపించారు హాటల్ నిర్వహిస్తోన్న భావన బృందం.
"స్వతంత్రంగా జీవించేందుకు బ్యాంకు రుణానికి ప్రయత్నించాం. వారు ఎలాంటి సాయం చేయలేదు. దీన్ని ఓ సవాలుగా తీసుకున్నాను. పెట్టుబడి కోసం నా దగ్గర ఉన్న వస్తువులను తాకట్టు పెట్టాను."
-భావన, హోటల్ నిర్వాహకురాలు
ప్రస్తుతం రోజుకు రూ. ఐదు నుంచి ఆరు వేల వరకూ ఆదాయం లభిస్తోందని భావన చెబుతున్నారు. హోటల్ నుంచి వచ్చిన కొంత ఆదాయాన్ని ప్రజాసేవ కోసం వినియోగించటం కొసమెరుపు. స్థానిక ప్రజల కోసం నీటి శుద్ధియంత్రాన్ని తమ సొంత డబ్బుతో కొనుగోలు చేశారు.
ఇదీ చూడండి:అమెరికాలో మేయర్గా మేక!
