భారత్ పాక్ సరిహద్దుల వెంబడి అక్రమ చొరబాట్లను అడ్డుకోవడానికి సరిహద్దు భద్రతా దళం (బీఎస్ఎఫ్) నడుం బిగించింది. జమ్ము, పంజాబ్ల్లోని పాక్ సరిహద్దుల వెంబడి 'చొరబాటు నిరోధక గ్రిడ్'ను పటిష్టం చేయుటకు సన్నాహాలు ప్రారంభించింది. ఇందు కోసం వేలాది సైనికులు, అధికారులను, యంత్రసామగ్రిని ఆ ప్రాంతాల్లో మోహరించింది.
జులై 1న ఈ ఆపరేషన్ 'సుదర్శన్' ప్రారంభమైంది. ఇది సుమారు 1000 కి.మీల పొడవైన భారత్-పాకిస్థాన్ అంతర్జాతీయ సరిహద్దును పర్యవేక్షిస్తుంది.
అత్యంత సున్నితమైన భారత్-పాక్ సరిహద్దు... జమ్ములో 485 కి.మీ, పంజాబ్లో 553 కి.మీలు విస్తరించి ఉంది. భారత పశ్చిమాన ఉన్న రాజస్థాన్, గుజరాత్ల వరకూ ఈ సరిహద్దు కొనసాగుతోంది. భారత సరిహద్దు దళం ముందువరుసలో నిలిచి ఈ సరిహద్దును కాపాడుతోంది.
ఉగ్రవాదుల చొరబాటు, మాదక ద్రవ్యాల అక్రమ రవాణాను అడ్డుకోవడం సహా... పాక్ దాడులకు దీటుగా స్పందించడానికి బీఎస్ఎఫ్ సరిహద్దు రక్షణ స్థావరాలను, ప్రదేశాలను బలోపేతం చేస్తోంది.
ఇదీ చూడండి: సిద్ధరామయ్య సీఎం అయితే అభ్యంతరం లేదు'
