Woman died in gym: జిమ్లో వర్కవుట్స్ చేస్తూ కుప్పకూలింది ఓ మహిళ. అక్కడికక్కడే ప్రాణాలు కోల్పోయింది. కర్ణాటకలోని బెంగళూరులో జరిగిందీ ఘటన. ఆమె పడిపోయిన తర్వాత హుటాహుటిన వచ్చిన చుట్టుపక్కల వారు.. స్పృహలోకి రప్పించే ప్రయత్నం చేశారు. కానీ ప్రయోజనం లేకపోయింది. సీసీటీవీలో నమోదైన సంబంధిత దృశ్యాలు సామాజిక మాధ్యమాల్లో వైరల్ అవుతున్నాయి.
బెంగళూరులోని ఓ కంపెనీలో పనిచేస్తున్న వినయకుమారి(44) శుక్రవారం నైట్ షిఫ్ట్ చేసి ఇంటికి వచ్చింది. శనివారం ఉదయం మల్లేష్పాల్యాలోని ఓ జిమ్కు వెళ్లింది. వర్క్అవుట్స్ చేస్తూ అలాగే కుప్పకూలింది. ఆమెను సీవీ రామన్ నగర్ ఆస్పత్రికి తరలించగా.. అప్పటికే ప్రాణాలు కోల్పోయిందని నిర్ధరించారు వైద్యులు. మృతదేహాన్ని పోస్ట్మార్టంకు పంపించారు.
ఇదీ చూడండి: భార్య, అత్తమామలపై కత్తితో దాడి.. కత్తితో రోడ్డుపైనే దారుణంగా!
