బంగాల్​.. కశ్మీర్​లా మారితే తప్పేంటి?: ఒమర్​

మమత సర్కారు మరోసారి అధికారంలోకి వస్తే బంగాల్​.. కశ్మీర్​లా తయారవుతుందన్న భాజపా నేత సువేందు అధికారి వ్యాఖ్యలను ఖండించారు నేషనల్ కాన్ఫరెన్స్ నేత ఒమర్ అబ్దుల్లా. ఆయన వ్యాఖ్యలు అవివేకమైనవన్నారు. బంగాల్​.. కశ్మీర్​లా మారితే తప్పేంటని భాజపాను ప్రశ్నించారు.

బంగాల్ ఎన్నికల ప్రచారంలో భాగంగా.. మమత మరోసారి అధికారంలోకి వస్తే బంగాల్​.. కశ్మీర్​లా తయారవుతుందని భాజపా నేత సువేందు అధికారి చేసిన వ్యాఖ్యలు అవివేకమైనవిగా అభివర్ణించారు నేషనల్ కాన్ఫరెన్స్ నేత ఒమర్ అబ్దుల్లా. బంగాల్​.. కశ్మీర్​లా మారితే తప్పేంటని భాజపాను ట్విట్టర్ వేదికగా ప్రశ్నించారు.

" 2019 ఆగస్టులో కశ్మీర్​లో అధికరణ 370 రద్దు చేసిన తర్వాత.. కశ్మీర్​ స్వర్గంలా మారిందని భాజపా తెలిపింది. మరి ఇప్పుడు బంగాల్​.. కశ్మీర్​లా మారితే తప్పేంటి? ఏదేమైనా.. బంగాల్​ ప్రజలు కశ్మీర్​ను ప్రేమిస్తారు."

-- ఒమర్ అబ్దుల్లా, నేషనల్ కాన్ఫరెన్స్ నేత

ఇదీ చదవండి: 'టీఎంసీ గెలిస్తే బంగాల్​.. కశ్మీర్​లా తయారవుతుంది'