ఉత్తర్ప్రదేశ్లో ఘోర రోడ్డు ప్రమాదం జరిగింది. ముందు వెళ్తున్న డీసీఎంను ఢీకొట్టింది ఓ బస్సు. ఈ ప్రమాదంలో బస్సులో ఉన్న నలుగురు ప్రయాణికులు మరణించగా.. మరో 12 మంది గాయపడ్డారు. లఖ్నవూ-ఆగ్రా ఎక్స్ప్రెస్వేపై ఔరాస్ పోలీస్ స్టేషన్ పరిధిలో సోమవారం ఉదయం జరిగిందీ ప్రమాదం.
సమాచారం అందుకున్న పోలీసులు ఘటనాస్థలికి చేరుకుని క్షతగాత్రులను ఉన్నావ్ ప్రభుత్వ ఆస్పత్రికి తరలించారు. మృతదేహాలను శవపరీక్ష నిమిత్తం ఆస్పత్రికి తీసుకెళ్లారు. క్షతగాత్రుల్లో పలువురి పరిస్థితి విషమంగా ఉన్నట్లు తెలిపారు. ప్రమాదానికి గురైన బస్సు గుజరాత్లోని రాజ్కోట్ నుంచి లఖింపుర్ ఖేరీకి వెళ్తుండగా ఈ ప్రమాదం జరిగిందని పోలీసులు తెలిపారు.
బోల్తా కొట్టిన బస్సు..
యూపీలోని కన్నౌజ్లో ఘోర రోడ్డు ప్రమాదం జరిగింది. లఖ్నవూ-ఆగ్రా ఎక్స్ప్రెస్వేపై దిల్లీ నుంచి వస్తున్న ఓ బస్సు అదుపుతప్పి బోల్తా కొట్టింది. ఈ ప్రమాదంలో ముగ్గురు మరణించగా.. మరో 18 మంది గాయపడ్డారు. ప్రమాద సమయంలో బస్సులో 30 మంది ప్రయాణికులు ఉన్నారని పోలీసులు తెలిపారు.
రాయ్బరేలీకి చెందిన అనితా బాజ్‌పాయ్ (50), సంజన (25), దేవాన్ష్ (11) మృతి చెందారని పోలీసులు తెలిపారు. క్షతగాత్రులను తిరువాలోని ఆస్పత్రికి తరలించామని.. అందులో నలుగురి పరిస్థితి విషమంగా ఉందని చెప్పారు. ఈ రోడ్డు ప్రమాదంపై ఉత్తర్ప్రదేశ్ ముఖ్యమంత్రి యోగి ఆదిత్యనాథ్ సంతాపం వ్యక్తం చేశారు. క్షతగాత్రులకు మెరుగైన వైద్యం అందించాలని అధికారులను ఆదేశించారు.
