ఉత్తర్ప్రదేశ్ ఉన్నావ్ ఘటనపై నకిలీ వార్తలను ప్రచారం చేస్తున్నారన్న ఆరోపణలతో 8 ట్విట్టర్ ఖాతాలపై పోలీసులు ఎఫ్ఐఆర్ నమోదు చేశారు. సీనియర్ జర్నలిస్ట్ బార్కా దత్ నిర్వహిస్తున్న 'మోజో స్టోరీ' ఖాతా సైతం ఈ జాబితాలో ఉంది.
"జర్నలిజం సిద్ధాంతాలనే మేము అనుసరించి.. ఈ ఘటనపై అన్నికోణాల్లో వివరాలను అందచేశాం. పోలీసుల చర్యపై కోర్టులో పోరాడేందుకు సిద్ధం. ఎఫ్ఐఆర్ కాపీని అడిగితే ఉన్నావ్ పోలీసులు ఇవ్వలేదు. మాకు రాజకీయ నాయకీయ నాయకులతో సంబంధాలు ఉన్నట్లు అనుమానిస్తున్నారు."
-- బార్కా దత్, సీనియర్ జర్నలిస్ట్
ఉత్తర్‌ప్రదేశ్‌లోని ఉన్నావ్ జిల్లాలో ముగ్గురు బాలికలు పొలంలో అపస్మారక స్థితిలో కనిపించారు. గ్రామస్థులు వారిని జిల్లా ఆసుపత్రికి తీసుకెళ్లగా.. ఇద్దరు మృతి చెందినట్లు వైద్యులు ధ్రువీకరించారు. మరో బాలికను కాన్పుర్‌లోని ప్రైవేటు ఆసుపత్రిలో చికిత్స పొందుతోంది. ఈ ఘటనపై కేసు నమోదు చేసుకున్న పోలీసులు ఇప్పటికే ఇద్దరిని అరెస్ట్ చేశారు.
ఇదీ చదవండి : భారీ భద్రత మధ్య ఉన్నావ్ బాలికల అంత్యక్రియలు
