హరియాణాలో 'వైట్ ఫంగస్' కేసులు వెలుగు చూశాయి. హిసార్ సివిల్ ఆస్పత్రిలో కొవిడ్తో చికిత్స పొందుతున్న ఇద్దరు 60 ఏళ్లు దాటిన మహిళలకు ఈ వ్యాధి సోకినట్లుగా తేలింది. ఈ వైట్ ఫంగస్ బాధిత మహిళలిద్దరూ డయాబెటిస్ వ్యాధిగ్రస్థులని అధికారులు తెలిపారు. వారిని ఐసొలేషన్ వార్డుకు తరలించి, యాంటీ ఫంగల్ చికిత్స అందిస్తున్నట్లుగా చెప్పారు.
ఇటీవలే బ్లాక్ ఫంగస్ వ్యాధిని 'నోటిఫయెబుల్ డిసీజ్'గా గుర్తిస్తూ హరియాణా ప్రభుత్వం ప్రకటించడం గమనార్హం. అయితే.. బ్లాక్ ఫంగస్తో పోలిస్తే వైట్ ఫంగస్ తక్కువ ప్రమాదకరమైందని నిపుణులు చెబుతున్నారు.
ఇదీ చూడండి: దేశంలో మరో కొత్త వ్యాధి.. ఈసారి వైట్ ఫంగస్
