2021లో నైరుతి రుతుపనాల ప్రభావం సాధారణ స్థాయిలో ఉంటుందని ప్రైవేటు వాతావరణ అంచనా సంస్థ స్కైమెట్ వెదర్ తెలిపింది. గత రెండేళ్లతో పోల్చుకుంటే.. ఈ సారి సాధారణ వర్షపాతం నమోదవుతుందని వెల్లడించింది.
"పసిఫిక్ మహాసముద్రంలో ఇప్పుడు తగినంత శీతలీకరణ ఉంది. సముద్ర ఉపరితల ఉష్ణోగ్రతలు(ఎస్ఎస్టీలు) త్వరలో పెరిగే అవకాశముంది. దీంతో లా నినా(రుతు పవనాలను ప్రభావితం చేసేది) కొనసాగే అవకాశం తగ్గుతుంది" అని స్కైమెట్ వెదర్ తెలిపింది. రుతుపవనాలు ప్రవేశించినప్పుడు లా నినా 50 శాతంపైగా తగ్గిస్తుందని తెలిపింది.
2021 సాధారణ రుతుపవనాల సంవత్సరాల్లో ఒకటి కావచ్చన్న స్కైమెట్.. 96-104 శాతం సాధారణ వర్షపాతం నమోదు కావచ్చని పేర్కొంది. ప్రారంభంలో భారీ వర్షాలు కురిసే అవకాశముందని తెలిపింది.
ఇదీ చూడండి: రాత్రిపూట ఇలా చేస్తే హాయిగా నిద్రపోవచ్చు
