మేఘాలయలోని ఓ గనిలో జరిగిన ప్రమాదంలో అసోంకు చెందిన ఆరుగురు కార్మికులు మరణించారు. గనిలో ఏర్పడిన పెద్ద గుంతలో కూలీలు పడిపోయారని తూర్పు జంతియా హిల్స్ డిప్యూటీ కమిషనర్ కే ఖార్మాల్కి తెలిపారు. రైంబయి, సర్కారీ, డైన్షాలాలు గ్రామాల సమీపంలో గురువారం ఈ ప్రమాదం జరిగిందని చెప్పారు. ఈ విషయాన్ని మేఘాలయ ఐజీ గాబ్రియేల్ లాంగ్రాయి ధ్రువీకరించారు.
"గనిలో తవ్వకాలు జరుపుతుండగా అక్కడి యాంత్రిక నిర్మాణం కూలిపోయింది. దీంతో పెద్ద గుంతలో కార్మికులు పడిపోయారు. మొత్తం ఆరుగురు మరణించారు. ఐదుగురి వివరాలను గుర్తించాం. వీరంతా అసోం పరిసర ప్రాంతాలకు చెందినవారు."
-కే ఖార్మాల్కి, పోలీసు అధికారి
గని యజమానిపై పోలీసులు కేసు నమోదు చేసి దర్యాప్తు ప్రారంభించారు.
2018 డిసెంబర్లోనూ రాష్ట్రంలో ఇదే తరహా ప్రమాదం జరిగింది. ఆ ఘటనలో 15 మంది మరణించారు.
ఇదీ చదవండి: పేడ కొనడం లేదని రోడ్రోకో
