కరోనా మహమ్మారి మూడో దశపై దిల్లీ ముఖ్యమంత్రి అరవింద్ కేజ్రీవాల్ చేసిన ఓ ట్వీట్ దుమారం లేపింది. భారత్, సింగపూర్ మధ్య దౌత్యపరంగా చర్చకు దారి తీసింది. నిరాధారమైన ఆరోపణలు చేశారని కేజ్రీవాల్ వ్యాఖ్యలను తప్పుబడుతూ భారత రాయబారి ముందు అభ్యంతరం వ్యక్తం చేసింది అక్కడి ప్రభుత్వం. అసలు రెండు దేశాల మధ్య చిచ్చు రాజేసిన ట్వీట్ ఏమిటి?
కేజ్రీ ట్వీట్లో ఏముంది?
మూడో దశ కరోనా ఉద్ధృతి పిల్లల్లోనే ఎక్కువగా ప్రభావం చూపుతుందని నిపుణులు హెచ్చరిస్తున్నారు. దీనిని ఆధారంగా చేసుకొని ట్వీట్ చేశారు దిల్లీ సీఎం.
-
सिंगापुर में आया कोरोना का नया रूप बच्चों के लिए बेहद ख़तरनाक बताया जा रहा है, भारत में ये तीसरी लहर के रूप में आ सकता है।
— Arvind Kejriwal (@ArvindKejriwal) May 18, 2021 " class="align-text-top noRightClick twitterSection" data="
केंद्र सरकार से मेरी अपील:
1. सिंगापुर के साथ हवाई सेवाएं तत्काल प्रभाव से रद्द हों
2. बच्चों के लिए भी वैक्सीन के विकल्पों पर प्राथमिकता के आधार पर काम हो
">सिंगापुर में आया कोरोना का नया रूप बच्चों के लिए बेहद ख़तरनाक बताया जा रहा है, भारत में ये तीसरी लहर के रूप में आ सकता है।
— Arvind Kejriwal (@ArvindKejriwal) May 18, 2021
केंद्र सरकार से मेरी अपील:
1. सिंगापुर के साथ हवाई सेवाएं तत्काल प्रभाव से रद्द हों
2. बच्चों के लिए भी वैक्सीन के विकल्पों पर प्राथमिकता के आधार पर काम होसिंगापुर में आया कोरोना का नया रूप बच्चों के लिए बेहद ख़तरनाक बताया जा रहा है, भारत में ये तीसरी लहर के रूप में आ सकता है।
— Arvind Kejriwal (@ArvindKejriwal) May 18, 2021
केंद्र सरकार से मेरी अपील:
1. सिंगापुर के साथ हवाई सेवाएं तत्काल प्रभाव से रद्द हों
2. बच्चों के लिए भी वैक्सीन के विकल्पों पर प्राथमिकता के आधार पर काम हो
" సింగపూర్లో వెలుగు చూసిన కరోనా కొత్త రకం పిల్లల్లో ఎక్కువగా ప్రభావం చూపుతోందని తేలింది. అది భారత్లోకి మూడో దశ రూపంలో రాబోతోంది. కేంద్ర ప్రభుత్వానికి నేను విజ్ఞప్తి చేస్తున్నా. 1. సింగపూర్ విమానాలను తక్షణమే రద్దు చేయాలి. 2. పిల్లలకు వ్యాక్సిన్ అందించే అంశాన్ని పరిశీలించాలి. "
- అరవింద్ కేజ్రీవాల్, దిల్లీ ముఖ్యమంత్రి.
వివాదంపై సింగపూర్, భారత్ల స్పందనేమిటి?
దిల్లీ కేజ్రీవాల్ వ్యాఖ్యాలను తప్పుపట్టింది సింగపూర్. భారత రాయబారి ముందు అభ్యంతరం వ్యక్తం చేసింది. నిరాధారమైన వాదనలు చేయకూడదని ఆ దేశ విదేశాంగ శాఖ స్పష్టం చేసింది. సింగపూర్ వేరియంట్ అంటూ ఏమీ లేదని, ఇటీవల వెలుగు చూసిన కేసుల్లో బీ.1.617.2 స్ట్రెయిన్ మాత్రమే ఉందని తెలిపింది. అది తొలుత భారత్లోనే వెలుగు చూసిందని పేర్కొంది. రాజకీయ నాయకులు నిజాలకు కట్టుబడి ఉండాలని, సింగపూర్ వేరియంట్ లేదని ఆ దేశ విదేశాంగ మంత్రి వివియాన్ బాలక్రిష్ణన్ పేర్కొన్నారు.
సింగపూర్ విదేశాంగ శాఖ స్పందన తర్వాత దిల్లీ ముఖ్యమంత్రిపై ఘాటు వ్యాఖ్యలు చేశారు భారత విదేశాంగ మంత్రి ఎస్ జైశంకర్. దేశం తరఫున మాట్లాడాల్సింది దిల్లీ ముఖ్యమంత్రి కాదని స్పష్టం చేశారు. కరోనా కట్టడిలో ఇరు దేశాల మధ్య బలమైన భాగస్వామ్యం ఉందని తెలిపారు. ఇలాంటి బాధ్యతారాహిత్యమైన వ్యాఖ్యలు చేయటం ద్వారా సుదీర్ఘ భాగస్వామ్యం దెబ్బతింటుందన్నారు. కరోనా వేరియంట్పై వ్యాఖ్యానించటానికి దిల్లీ సీఎంకు ఎలాంటి సామర్థ్యం లేదని భారత హై కమిషనర్ పీ కుమారన్.. సింగపూర్ ప్రభుత్వానికి తెలియజేసినట్లు విదేశాంగ ప్రతినిధి ఆరిందమ్ బాగ్చి తెలిపారు. జైంశకర్ స్పందన తర్వాత.. ఆయనకు కృతజ్ఞతలు తెలిపారు సింగపూర్ విదేశాంగ మంత్రి బాలక్రిష్ణన్. కరోనా కట్టడిపై దృష్టి పెట్టాలని, ఒకరికొకరు సాయం చేసుకోవాలని సూచించారు.
కేజ్రీవాల్ వ్యాఖ్యలపై ఆప్ ఏమంటోంది?
సీఎం కేజ్రీవాల్ ట్వీట్తో భారత్, సింగపూర్ మధ్య చర్చకు దారి తీసిన క్రమంలో స్పందించారు దిల్లీ ఉపముఖ్యమంత్రి మనీశ్ సిసోడియా. సింగపూర్ కొత్త వేరియంట్పై కేజ్రీవాల్ వ్యాఖ్యలకు మద్దతుగా నిలిచారు. సింగపూర్ స్ట్రెయిన్ అత్యంత ప్రమాదకరమని పేర్కొన్నారు. ఈ అంశంపై భాజపా, కేంద్ర ప్రభుత్వం దిగజారుడు రాజకీయాలు చేస్తోందని ఆరోపించారు. భాజపా, కేంద్రం స్పందన చూస్తుంటే సింగపూర్లో వారి ప్రతిష్ఠ దెబ్బతింటుందని చూస్తున్నట్లు పేర్కొన్నారు. కానీ, భారత్లోని చిన్నారుల గురించి ఆలోచించటం లేదని ఆరోపించారు సిసోడియా. 'సింగపూర్ స్ట్రెయిన్, చిన్నారుల గురించే కేజ్రీవాల్ మాట్లాడారు. సమస్య సింగపూర్ కాదు, చిన్నారులు. సింగపూర్లోని కొత్త రకం పిల్లలకు అత్యంత ప్రమాదకరం. లండన్ స్ట్రెయిన్ గురించి వైద్యులు, శాస్త్రవేత్తలు హెచ్చరించినా కేంద్రం నిర్లక్ష్యం చేసింది. ఇప్పుడు అదే భారత్లో మరణాలకు కారణమవుతోంది. ' అని పేర్కొన్నారు.
సింగపూర్ నెటిజన్ల మండిపాటు..!
సింగపూర్లో వెలుగు చూసిన కొత్త రకం వైరస్ అత్యంత ప్రమాదకరమని దిల్లీ సీఎం ట్వీట్ చేయటాన్ని తప్పుపడుతున్నారు అక్కడి నెటిజన్లు. దీనిపై క్షమాపణలు చెప్పాలని డిమాండ్ చేస్తున్నారు. తప్పుడు సమాచారం వ్యాప్తి చేస్తున్నారని ఆరోపించారు.
' దిల్లీ ముఖ్యమంత్రి గారు! బీ1617 స్ట్రెయిన్ మీ దేశం నుంచే వచ్చింది. ' అని ప్రముఖ సింగపూర్ బ్లాగర్ ఎంఆర్ బ్రౌన్ రాసుకొచ్చారు.
ఇదీ చూడండి: దృష్టి మళ్లించడమే కేంద్రం విధానం: రాహుల్
