ఛత్తీస్గఢ్ బీజాపుర్ జిల్లాలో ఏడుగురు నక్సలైట్లను పోలీసులు అరెస్టు చేశారు. గంగుళూరు, బాసగూడ పోలీస్స్టేషన్ పరిధిలోని గ్రామల్లో వీరిని పట్టుకున్నట్లు పోలీసులు తెలిపారు.
పలనార్ గ్రామంలో విష్ణు తాటి, బార్సా మంగు అనే నక్సల్స్ను మంగళవారం పట్టుకున్నట్లు తెలిపారు. పోలీసులను చంపడానికి వారిద్దరు కుట్ర పన్నినట్లు ఆరోపించారు. మోతీ తాటి, పక్లూ తాటి అనే నక్సల్స్ను తోడ్కా గ్రామంలో అరెస్టు చేసినట్లు తెలిపారు. గతేడాది ఫిబ్రవరి, ఆగస్టు నెలల్లో భద్రతా దళాల పైదాడికి పాల్పడిన ఘటనకు వారికి సంబంధం ఉందని ఆరోపించారు.
బాసగుడలో సోమవారం అరెస్టైనవారు సోది, సురేశ్ బార్సా, పోటమ్ బుధ్రామ్గా గుర్తించినట్లు తెలిపారు. ఈ నక్సల్స్ను అరెస్టు చేయడానికి జిల్లా భద్రతా బలగాలు, జిల్లా రిజర్వు గార్డ్స్ పాల్గొన్నట్లు పోలీసులు అధికారులు వెల్లడించారు.
ఇదీ చూడండి: 16మంది నక్సలైట్ల లొంగుబాటు
