రిపబ్లిక్ టీవీ చీఫ్ ఎడిటర్ అర్ణబ్ గోస్వామికి మరోసారి సుప్రీంకోర్టులో ఊరట లభించింది. అర్ణబ్తో పాటు ఈ కేసులో నిందితులైన మరో ఇద్దరికి మధ్యంతర బెయిల్ గడువును నాలుగు వారాలు పొడిగిస్తూ జస్టిస్ డీవై. చంద్రచూడ్, జస్టిస్ ఇందిరా బెనర్జీతో కూడిన ధర్మాసనం ఆదేశాలు జారీ చేసింది. క్రిమినల్ చట్టం పేరుతో నిందితుల వ్యక్తిగత స్వేచ్ఛను హరించవద్దని న్యాయస్థానం ఈ సందర్భంగా హితవు పలికింది. వ్యక్తులను లక్ష్యంగా చేసుకొని వేధించటానికి క్రిమినల్ చట్టం ఆయుధంగా మారకూడదని వ్యాఖ్యానించింది.
2018లో ఓ ఇంటీరియర్ డిజైనర్, అతని తల్లిని ఆత్మహత్యకు ప్రేరేపించారన్న ఆరోపణలతో అర్ణబ్తోపాటు మరో ఇద్దరిని అలీబాగ్ పోలీసులు అరెస్ట్ చేశారు. అర్ణబ్ బెయిల్ పిటిషన్ను విచారించిన సుప్రీంకోర్టు నవంబరు 11న మధ్యంతర బెయిల్ మంజూరు చేసింది.
ఇదీ చదవండి:మధ్యంతర బెయిల్తో తలోజా జైలు బయట అర్ణబ్
ఇదీ చదవండి:'ఆత్మహత్య' కేసులో అర్నబ్ గోస్వామి అరెస్టు
